大盛日本料理 (已結業)

新蒲岗好多野都食过，但就系未试过呢间大盛。估唔到价钱唔贵，选择都几多。鱼生饭，丼饭，乌冬，蛋包饭，捞面乜都有。午市有轻食特撰，最平一个牛肉饭35蚊咋！呢间餐厅都算几旺，枱与枱之间距离非常窄，就算你生得瘦，行入去果下都有难度。餐厅灯光亦比较昏暗。跟餐可以拣面豉汤又或者饮品一罐。饮品系韩国款式，有芒果汁，芦荟汁，忌廉奶等等，都叫比较特别。我就㨂左面豉汤，个汤都几好饮，虽然无咩料，但味道几清甜。今次试左蒲烧鳗鱼饭（$60), 第一下食落去，个汁好奇怪，好似有d 酒味，又有d梅酸味既感觉。佢个汁感觉太呛，又太甜。鳗鱼质素一般般，感觉唔太肥美，味道有点腥，同埋有d 骨。不过个饭都算大既，但同同事食完大家都好似有点不是味儿。同事食左个68蚊鱼生饭，卖相也不太吸引同新鲜。论好食，附近有间日本餐厅更加正，价钱相若既鱼生饭，仲包前菜，沙律，蒸蛋。我宁愿贵多少少但食得个胃更加尽兴。