健康齋廚

营业中

休息中

呢间素食店，几年前曾经同靓妈，试过OK仲吹鸡叫过，以前嘅所谓屋企人来食晚饭，见近来食得肉类太多，想话清清肠胃，11月19号就同靓妈旧地重游，到此店食番餐素菜，当日合共点了三个素菜及一就个素汤，包括：菠萝生根，八珍上素，双菇鱼腐，及莲藕，眉豆，腰菓汤，上述食品除咗个素汤，系叫做有C级评分，其余3个全部都系D级水准，每样𩠌嘅材料都系经过，拖水灼熟，然后放入镬内，系咁意炒两下就上碟，每样𩠌都系白恰味道，真系食到口都淡埋，经此一餐呢间素食店，我宁愿食生菓餐都吾会再帮衬佢，起码食橙有橙味，食柑有柑味，就算食蕉都有蕉味吖，吾似呢间素食店D嘢，样样都系得白恰味。