影片
更多
2018-03-10
1600 浏览
深水埗喺小弟成长嘅地方，虽然已经搬离呢区多年，但因为仲有唔少亲友住呢头，所以，间唔时仍会经过。近来睇到刘老师嘅食评，对呢间「Eatalian」颇有好感，因为睇开小弟嘅食评都知，小弟颇喜欢耍吓小聪明将啲标题搞吓食字，不过，英文食字就难到我喇。咪睇佢门面窄窄，原来入面都几大吓，餐厅尾屈个弯仲有多张餐枱嘅用餐区，枱櫈嘅编排亦唔算逼，而且，环境整洁新簇。以浅木色为主调，配合墙上一啲精简嘅食物图案，明显喺走轻松路线。装修简约得嚟，又花咗唔少装饰晌布置上，如干花花糟、别致挂墙钟、小铜像、食谱、茶壶……等等，都喺叫人感到有种家庭式小店嘅感觉，气氛轻松。烤面包配蕃茄莎莎（免费）好多时啲意大利餐厅都会奉送少少意大利香草包配油醋作餐前面包，但估唔到呢度就提供以薄饼粉团做成嘅烤面包，更配上蕃茄莎莎，面包烘得热热，蕃茄莎莎酸香鲜活，食过真喺产生开胃之效。翻翻餐牌，类别齐全，包括前菜、汤品、意大利面、薄饼、主菜、甜品，菜式选择颇多，大抵因位处深水埗，定价亦相宜。而且，正值新张，仲喺唔收加一，兼俾多个九折添，食意大增。故此，今晚同老婆、姨仔嚟食饭，食咗好多嘢，落楼都唔使六百，抵呀！以一家小店而言，前菜选择十分之多
咪睇佢门面窄窄，原来入面都几大吓，餐厅尾屈个弯仲有多张餐枱嘅用餐区，枱櫈嘅编排亦唔算逼，而且，环境整洁新簇。以浅木色为主调，配合墙上一啲精简嘅食物图案，明显喺走轻松路线。
装修简约得嚟，又花咗唔少装饰晌布置上，如干花花糟、别致挂墙钟、小铜像、食谱、茶壶……等等，都喺叫人感到有种家庭式小店嘅感觉，气氛轻松。
烤面包配蕃茄莎莎（免费）好多时啲意大利餐厅都会奉送少少意大利香草包配油醋作餐前面包，但估唔到呢度就提供以薄饼粉团做成嘅烤面包，更配上蕃茄莎莎，面包烘得热热，蕃茄莎莎酸香鲜活，食过真喺产生开胃之效。
翻翻餐牌，类别齐全，包括前菜、汤品、意大利面、薄饼、主菜、甜品，菜式选择颇多，大抵因位处深水埗，定价亦相宜。
而且，正值新张，仲喺唔收加一，兼俾多个九折添，食意大增。故此，今晚同老婆、姨仔嚟食饭，食咗好多嘢，落楼都唔使六百，抵呀！
以一家小店而言，前菜选择十分之多，一共有成14款，款式亦够晒多元化，有平有贵，悉随尊便。
野菌酱蒜香意式烤面包 $38一客有6小件，每件面包都烤得香脆而充满蒜香，其上嘅野菌酱口感好丰厚，兼且好有菌香，食多两啖，原喺加咗黑松露酱，唔怪得咁幽香；此外，个酱做得细绵，口感柔软。平常多见放啲沙律菜或翡翠苗衬托吓，呢度就用上魔豆茎（Beanstalk），确喺有诚意。
野菌酱蒜香意式烤面包
$38
9 浏览
0 赞好
0 留言
意式千层茄子 $56有啲癫覆小弟对意式焗茄子嘅印象，唔喺以焗盘上，而喺做成一小口嘅模样，卖相精致咗。味道又如何？一整件放入口，口感软腍，茄子焗得啱啱好，跟芝士、肉酱，一层叠一层，又下咗好多鲜蕃茄酱，香浓好食。
意式千层茄子
$56
20 浏览
0 赞好
0 留言
意大利杂菜汤 $58老婆一向好喜欢饮汤，索性点3客汤，尤其有意大利杂菜汤，就更加啱佢。对上一次，佢就好欣赏荃湾「Chalet」嘅出品，今次就有啲唔同，跟平常见嘅「红色」杂菜汤有别，而喺带啡黄，底下加咗香草酱嘅版本，但同样混入大量蔬菜及豆类，口感丰富，极之饱肚。
香烧南瓜蟹肉汤 $68姨仔就选南瓜汤，汤色鲜橙有光泽，放上一抹忌廉泡沫，喺有心思嘅做法，而蟹肉亦放咗唔少。小弟小试一口，南瓜汤口感顺滑，南瓜味清甜浓郁，有别落咗「面捞」嘅忌廉汤做法，而蟹肉未知是否鲜拆，但味道鲜甜，喺诚意之作。
香烧南瓜蟹肉汤
$68
11 浏览
2 赞好
0 留言
除以上两款固定汤品之外，每日仲有一款「是日餐汤」，今晚嘅就喺白豆烟肉汤，浅啡色嘅白豆汤，入口滑溜细致，完全无豆渣嘅感觉，有轻轻嘅豆香味，慢慢再渗出烟肉嘅熏香味，做法细腻。
白豆烟肉汤
$48
8 浏览
2 赞好
0 留言
主食方面，店长特别推介其薄饼及意大利面，皆因两者均喺自家手制，有信心做得出色。而手制意粉共有9款，款式都比平常所见较特别，如手扭面、宽带面之类，故此，点咗一款宽带面俾老婆试试，小弟就曾经晌坚尼地城嘅「Little Creatures」试过呢种意大利面，觉得非常特别。
野菌牛肝菌宽带面 $158宽带面跟宽条面厚薄差唔多，但阔度有两只手指阔，极具咬口，带点烟韧；除野菌，仲加埋牛肝菌，而「含菌量」高，所以，菌香四溢，就连带啲宽带面都好入味，因为个味道实在好浓，一个人食可能重口味得滞，两三个共享就最好喇！
野菌牛肝菌宽带面
$158
13 浏览
0 赞好
0 留言
另一方面，主打嘅手制薄饼亦有5款供应，虽然唔算多，但配搭都以靓食材行先。
烟三文鱼露笋薄饼 $138本来想点纯素嘅玛格丽塔薄饼俾老婆试，但佢反而话想食烟三文鱼露笋薄饼，呢度嘅薄饼以长形制作，以木板盛上。批面平均铺上好多烟三文鱼，咸香油润，更无过咸嘅情况；露笋亦采用BB露笋，鲜嫩无渣；其次个薄批底食起嚟带点脆口，又满满香浓嘅芝士，整体而言，真喺几好食。
呢度嘅甜品选择非常之多，有成近10款，但因为食完上面嘅菜式，大家都颇饱，所以，就只点一客甜品浅尝。本来好想点香蕉核桃拖肥忌廉批，但店长话今日啲蕉来货未够熟未够靓，怕影响效果，所以，无供应住，唯有试试其提拉米苏先。
提拉米苏 $58卖$58而言，感觉喺细件咗啲，但味道具水准。虽采用蛋糕饼底，但浸得够透，口感湿润，既有咖啡香，又有酒香，而酒香有阵阵甜味，事后先知原来加咗啲百利甜酒，跟用冧酒所做嘅感觉好唔同。上层嘅马卡风芝士打得十分柔滑，口感细致，拼上埋啲唂咕粉，非常好食。
提拉米苏
$58
16 浏览
0 赞好
0 留言
因为小弟间唔时都会嚟开深水埗，故问问佢哋午市有无套餐供应，午市睇落都几划算，包沙律或餐汤，主菜有8款选择，由意大利面、薄饼到扒类都有，包餐饮，亦可加钱升级，定价都只喺$68-$128，唔介意俾多少少钱食啲高质素嘢，都喺个唔错嘅选择。
食物果然有水准，而且，食得出用料不颇；另一方面，招呼好好，待客有礼，例如，上菜有序，先一次过嚟两道前菜，食罢再送上汤品，完晒先嚟意大利面及薄饼两道主食；再者，不时添水、换碟基本嘢就更做足，最贴心喺上汤品时，特意俾多几只小匙过我哋，可以试试其他人嘅汤。深水埗区一向喺卧虎藏龙之地，又睇睇「食意」会否成为其中一员！
张贴
