火山石 (已結業)

火山石嘅乌冬标榜系手打，猴子系乌冬控，所以忍唔住要试吓佢哋嘅手势，叫咗一客海鲜乌冬。海鲜乌冬嘅主要食材包括大虾、青口、帆立贝、蟹柳，仲有温泉蛋。 首先要试嘅当然系乌冬，食落又真系几弹牙嫩滑，十分有口感。主要食材方面，大虾都尚算鲜甜，温泉蛋个蛋黄煮到啱啱流心，食落浓郁香滑。 至于青口同帆立贝，望落都好似几新鲜，不过食落就冇预期中咁鲜味，而且咬落仲有啲渣，有啲失望。 价钱方面亦唔算便宜，HK$65一碗，饮品要另外购买。