豚道樂 (大河道) (已結業)

荃湾成日都系我去揾嘢食嘅好地方，因为周围都系高质餐厅，等我去explore 下。但系星期日周围都咁多人，荃湾广场、荃新天地𠮶啲餐厅一定系爆晒棚，见到有间餐厅等要等30几张飞就放弃左，咁啱我有个朋友我附近有一间又平又正宗既日本拉面店，见到价钱都唔贵就入咗去啦。每人有张专用既纸去特制自己心水既拉面，为咗比较佢同其他日式拉面店，就梗系拣九洲个边最传统嘅原味豚骨拉面啦。我就拣咗博多系曲面，面质要特硬，一向钟情爽口弹牙嘅拉面🍜。由于本人仍然都好穷嘅关系，都只系拣左经济之选，冇加$13 试下特上版拉面。个汤底好浓猪骨味，之前有啲人话食完会口渴，但系我自己亲身体验又冇真系要系咁灌水㖞。我俾个汤底都几高分，连同行既友人们都好赞同😀见到佢地都差唔多饮哂个汤底。不过觉得个叉烧就薄左少少啦，可能之前食得多厚烧日式叉烧，不过唔系厚就好，呢间薄薄地但够口感，唔系嚼极都嚼唔烂既肉咁。