La Postre (永樂街) (已結業)

自己team farewell assistant，阿仔想食西餐，于是有人提议永乐街间「绿色橙」，不过search下时发现楼上有间食窝夫，负责订台既窝夫怪队长有私心地订左呢间。一入到去⋯⋯都几嘈，可能楼底唔高，又有一台大台叫晒Sangria，好high甘。我唔驶睇餐牌都一定系叫窝夫，其他同事就叫左炭烧鸡黑松露饭、鳗鱼甜薯饭、芝士菠菜汁菠菜面。先上个汤同包，系青豆汤，讨厌青豆的一定唔饮，不过我接受到，有青豆味，不过唔知点解个汤看似好杰，其实好稀，跟汤的蒜蓉包好味，好多香草，如果可以热d仲好。到我既窝夫上台，都摆得几靓，有个沙律，窝夫系心形的⋯⋯不过就得1/4份，真系都几细份，窝夫系夹左黑毛猪同芝士，馅既份量都ok，唔孤寒，黑毛猪就唔系好重油份，但都唔错，咸火腿既关系，所以都有配番蜜瓜清一清口果阵咸味，个窝夫系麻糬窝夫，所以食落会烟烟靭靭，都几好味。至于其他同事的⋯⋯炭烧鸡黑松露饭d鸡过甜，鳗鱼甜薯饭配搭怪怪的，芝士菠菜面好寡⋯⋯还是食窝夫稳阵d。跟餐既甜品，疑似紫薯，但食唔出系咩味；餐饮拣左咖啡⋯⋯等左好耐，不过杯咖啡酸酸地既！？