極尚大喜屋 (加連威老道) (已結業)

近排见疫情有所缓和，而且又好耐冇食过日本野，同朋友倾开就话食放题过吓瘾。见Openrice极上大喜屋近排有特价, 食物质素又好,一于去试试，点知⋯⋯事原当日8:30入座，餐厅入面隔晒围板，做足防疫措施。佢哋安排左我哋去最入面𠮶张枱。初初点𠮶啲鱼生寿司都几好味，保持到水准。但唔知系咪冇咩生意，啲员工好似机械人咁，你讲咩佢听得一成。问佢攞只碗又扮听唔到 🤷🏻‍♂️ 最大件事系间餐厅卫生问题好严重，张枱下面好污糟。跟住食食吓突然间见到只曱甴爬上枱面 😱😱😱 好彩朋友勇敢即刻整死咗佢！但系啲职员又扮听唔到，见到都当睇唔到 😡 我哋指着条尸骸佢都冇晒反应 （下面有相为证🤢）。见到咁样我哋都冇晒胃口🤮🤮🤮即刻埋单走人。其实之前谂住book铜锣湾𠮶间，但个friend话铜锣湾有曱甴所以先去尖沙咀，点知都系中伏😵😵😵 唉⋯⋯大喜屋，不了。完。