影片
更多
2023-10-26
11828 浏览
又系食放题时间，一向觉得大瀛喜嘅放题质素好、兼够新意。今期主题系果王-榴梿放题，榴梿控嘅我点会放过呢个黄金机会。金枕头榴梿用火枪烧过，食嘅时候微暖，真系未试过咁食榴梿，估唔到又出奇地好食㖞，特别系甜味，相信因为曾经烤过，梅纳反应使甜度得以提升、榴梿香味也更浓；软绵绵嘅果肉极creamy，虽然每次限叫每人两件，但食吓食吓，都食咗成10件、8件，叫多两round都已经回本。 刺身款式选择多，三文鱼、甜虾、虎虾、赤贝、带子、吞拿鱼。三文鱼厚切肥美，味道鲜；带子size唔算大，不过新鲜爽口；鲍鱼size唔大唔细，有嚼劲；最正赤虾，虾肉劲爽弹，味道鲜甜。仲有泰式虎虾，配上泰式甜辣酱加蒜片，极好味！。西京烧比目鱼，系我每次都必叫嘅，因为佢烧到皮层金黄微焦，里边鱼肉嫰滑，入口油脂即溶。之前未见过嘅新款食物，红酒蓝莓鹅肝，好正！鹅肝幼滑，味道浓郁，配搭蓝莓嘅青甜，食多几件都唔觉腻。炸物之中，可能因为自己超钟意食榴梿，所以觉得猫山王炸榴梿最出色！芝士年糕都ok，但一定要衬热食。 饮品劲多选择，啤酒、清酒、茶、汽水、果汁等等……饮茶可消滞、汽水消暑、酒类令人舒畅，各适其适，总有一款啱饮。甜品除左小蛋糕，一
金枕头榴梿用火枪烧过，食嘅时候微暖，真系未试过咁食榴梿，估唔到又出奇地好食㖞，特别系甜味，相信因为曾经烤过，梅纳反应使甜度得以提升、榴梿香味也更浓；软绵绵嘅果肉极creamy，虽然每次限叫每人两件，但食吓食吓，都食咗成10件、8件，叫多两round都已经回本。
刺身款式选择多，三文鱼、甜虾、虎虾、赤贝、带子、吞拿鱼。三文鱼厚切肥美，味道鲜；带子size唔算大，不过新鲜爽口；鲍鱼size唔大唔细，有嚼劲；最正赤虾，虾肉劲爽弹，味道鲜甜。仲有泰式虎虾，配上泰式甜辣酱加蒜片，极好味！。
西京烧比目鱼，系我每次都必叫嘅，因为佢烧到皮层金黄微焦，里边鱼肉嫰滑，入口油脂即溶。之前未见过嘅新款食物，红酒蓝莓鹅肝，好正！鹅肝幼滑，味道浓郁，配搭蓝莓嘅青甜，食多几件都唔觉腻。
炸物之中，可能因为自己超钟意食榴梿，所以觉得猫山王炸榴梿最出色！芝士年糕都ok，但一定要衬热食。
饮品劲多选择，啤酒、清酒、茶、汽水、果汁等等……饮茶可消滞、汽水消暑、酒类令人舒畅，各适其适，总有一款啱饮。
甜品除左小蛋糕，一定唔可以错过椰汁炖鲜奶，劲滑香浓，好好味！烧菠萝边食边喷汁。当然雪糕雪条都要留胃食啦，因为有榴梿雪糕。
如果我多两个胃就好啦，真系好多嘢食，每次都总有想食想试，但最终都系饱到食唔落，又要谂吓下次几时再嚟。
张贴
