影片
更多
2012-02-12
667 浏览
适逢立春之后嘅星期日，特别多人到圆玄学院拜太岁，我家亦系其中一份子！排完一轮队︳又迫完一轮，见有啲肚饿兼想两老抖抖，所以选择咗就喺圆玄学院食斋！入到素菜馆已人头涌涌，大多数都系旅行团嘅团餐，要行到好入先有做散客的枱！坐落都搞咗好耐先有人招呼，我谂呢班老伙记都唔系成日要招呼满场食客，有点混乱！是日正值新春期间，所以都系无得散叫，只有预设的套餐，见反正都坐低咗，贵少少都算啦！四个人叫咗个四宝斋发菜豆腐羹＜＜＜真系加埋都唔知有无两汤匙豆腐，用料少得可怜！发菜少到唔落都无分别，味道就只有胡椒粉嘅味！罗汉斋粒 ＜＜＜都比较咸，仲好杂，真系佢有咩就比咩你，但又唔系一般嘅罗汉斋嘅煮法，佢系用豉椒嚟炒，总觉怪怪地！荔蓉鱼 ＜＜＜无传闻咁好食，仲散散地兼削削地无咗应有嘅酥，芋头嘅味唔太有，好在个酸甜汁都仲OK，但鱼边嘅五枊菜就有啲怪味，可能平时少食，食唔惯！鲜竹件 ＜＜＜系唯一一个觉得好食想加单的一个，外脆内软，食得出佢系将腐皮搽上味料卷好再炸，真系几好食，再会去都因为呢个菜！但最离奇嘅系埋单嘅时候，竟然出要两个价钱！同枱上嘅价钱相差咗两成！难道圆玄学院都有游客价？要求查单嘅时候同呢班老伙记
排完一轮队︳又迫完一轮，见有啲肚饿兼想两老抖抖，所以选择咗就喺圆玄学院食斋！
入到素菜馆已人头涌涌，大多数都系旅行团嘅团餐，要行到好入先有做散客的枱！
坐落都搞咗好耐先有人招呼，我谂呢班老伙记都唔系成日要招呼满场食客，有点混乱！
是日正值新春期间，所以都系无得散叫，只有预设的套餐，见反正都坐低咗，贵少少都算啦！
四个人叫咗个四宝斋
发菜豆腐羹＜＜＜真系加埋都唔知有无两汤匙豆腐，用料少得可怜！发菜少到唔落都无分别，味道就只有胡椒粉嘅味！
罗汉斋粒 ＜＜＜都比较咸，仲好杂，真系佢有咩就比咩你，但又唔系一般嘅罗汉斋嘅煮法，佢系用豉椒嚟炒，总觉怪怪地！
荔蓉鱼 ＜＜＜无传闻咁好食，仲散散地兼削削地无咗应有嘅酥，芋头嘅味唔太有，好在个酸甜汁都仲OK，但鱼边嘅五枊菜就有啲怪味，可能平时少食，食唔惯！
鲜竹件 ＜＜＜系唯一一个觉得好食想加单的一个，外脆内软，食得出佢系将腐皮搽上味料卷好再炸，真系几好食，再会去都因为呢个菜！
但最离奇嘅系埋单嘅时候，竟然出要两个价钱！同枱上嘅价钱相差咗两成！难道圆玄学院都有游客价？
要求查单嘅时候同呢班老伙记理论时，佢就话你枱上的价钱系上年的，唔好意思！依价系要收呢个价！
当场火得回应佢一句：咁都得有无搞错！
此时只见佢哋忙于将附近几张枱的旧年餐牌收回，就无人再同你解释，当你儍仔！
之后有位比较有良心的老伙记觉得佢哋放错餐牌就帮我哋同收银讲，扰攘咗一轮，终于有人同我哋讲系佢哋嘅失误，所以会照落单时枱上所标价钱收费！
所以，如果大家想去食斋，就请拣啲非繁忙兼非特别日子去！
张贴