日本野 (已結業)

石烧吉列霜降牛小排🥩 - 晚市套餐定食套餐配有日本米饭及温泉蛋/溏心蛋，仲附送汤/沙律，及饮品一杯。每一件都好大块，有厚度。应该系我见过算大件嘅吉列牛，而且系即叫即炸，所以外层吉列皮好松脆。石板已一早涂上牛油，一D都唔痴底，烧到自己钟意嘅生熟程度，配上自己喜好嘅口味，分别有：海盐、芥未沙律酱、辣蒜粒、牛肉汁。牛小排一 D都唔韧，肉质鲜嫩多汁，有油脂得黎又唔会好油腻。温泉蛋和风烧牛肉丼🐮 - 晚市套餐碗面铺满牛肉同柴鱼片，配有温泉蛋同少量紫菜。牛肉份量算多，每块嘅大细一致，烧到带有焦香，同时都好有牛味。将温泉蛋捞埋白饭一齐食，味道更一流。同样套餐附送汤/沙律，及饮品一杯。餐厅干净阔落，店员服务好好，见到我地石板烧到无火，会主动帮我地更换燃料。餐厅除左晚市套餐，仲有其他刺身、寿司、烧物供选择，啱晒三五知己。