居食屋「和民」 (奧海城一期)

营业中

休息中

𠮶日天阴阴似乎会落雨，所以都系响商场里面食个晏比较稳阵啲 。同事有和民卡，所以就去咗和民。我哋十次有八次都系叫呢个三文鱼石锅饭，皆因钟意三文鱼鱼子同沙律酱。呢个饭三文鱼份量唔多，不过捞埋啲沙律酱，味道算系ok。我哋每次都要叫侍应攞多一兜沙律酱，如果唔够沙律酱，成锅饭就干争争。同事叫咗杯柚子蜜，柚子蜜一向偏甜。我叫左杯生姜蜜，啲姜几够辣。面豉汤贯彻始终，味道同水冇分别。一餐晏仔，每人66 ,有埋沙律，面豉汤同埋一杯特饮算系咁。最重要系有和民卡，可以免服务费。不过，如果你赶住返工，得半个钟食晏嘅朋友就千祈唔好嚟，出餐时间真系太耐，今次我哋等左25分钟。