影片
更多
2008-08-04
37 浏览
昨天细佬生日, 一家人走咗去欢喜楼帮佢贺寿. 本来流浮山系我家嘅御用食点; 但系屋企人多, 斋计生日吃饭, 每年都去7~8次, 仲未计其他节日tim.听到二细佬话之前同朋友去欢喜楼食过饭, 佢出名嘴刁都话唔错㖞, 紧要去试.一去到就见到一个牌坊大大只字"欢喜楼", 有d觉得搅笑; 但是最好嘅系有不设划位免费泊车, 泊满即止......服未!我哋8个人, 叫咗8𩠌1汤4个靓仔再+五碗甜品.1. 豉油鸡--入味, 不太咸, 肉嫩皮滑.(屋企人吃鸡好阉尖, 极少会食晒成只鸡, 今次食晒~劲)2. 例汤 -- 老黄瓜汤, 无味精, 我个退休大厨老豆都饮咗2碗, d猪肉汤渣点豉油, 甘味 3. 咸菜胡椒猪杂 -- 原来系有汤o架, 仲正过个例汤, 好香胡椒味, 咸菜应该有过水,无腌菜𠮶种霉味, 唔太咸, 猪杂无骚味又够淋. 赞!4. 咕噜虾球 -- 可以送饭, 酱汁酸甜味刚刚好, 无攻鼻嘅酸醋味, 虾球有落粉过油再回镬, 正!5. 冰阵芥兰 -- e+唔当造, 不过佢哋好细心咁将老咗嘅部切去, 再片去有根部份, 总之你唔会食到有根啰~ 个汁唔系豉油咁少, 仲加咗d甜醋落去, 食起嚟...
听到二细佬话之前同朋友去欢喜楼食过饭, 佢出名嘴刁都话唔错㖞, 紧要去试.
一去到就见到一个牌坊大大只字"欢喜楼", 有d觉得搅笑; 但是最好嘅系有不设划位免费泊车, 泊满即止......服未!
我哋8个人, 叫咗8𩠌1汤4个靓仔再+五碗甜品.
1. 豉油鸡--入味, 不太咸, 肉嫩皮滑.(屋企人吃鸡好阉尖, 极少会食晒成只鸡, 今次食晒~劲)
2. 例汤 -- 老黄瓜汤, 无味精, 我个退休大厨老豆都饮咗2碗, d猪肉汤渣点豉油, 甘味
3. 咸菜胡椒猪杂 -- 原来系有汤o架, 仲正过个例汤, 好香胡椒味, 咸菜应该有过水,无腌菜𠮶种霉味, 唔太咸, 猪杂无骚味又够淋. 赞!
4. 咕噜虾球 -- 可以送饭, 酱汁酸甜味刚刚好, 无攻鼻嘅酸醋味, 虾球有落粉过油再回镬, 正!
5. 冰阵芥兰 -- e+唔当造, 不过佢哋好细心咁将老咗嘅部切去, 再片去有根部份, 总之你唔会食到有根啰~ 个汁唔系豉油咁少, 仲加咗d甜醋落去, 食起嚟...冰.脆.咸.酸.甜, 几得意.
6.招牌秘制骨 -- 呢个正~~猪肋排大约6x7吋原块炆淋上碟, 中间d软骨都淋o架, 再淋上混有沙爹酱嘅烧汁, 唔该一碗白饭......
7. 豉汁蒸鳝 -- 我唔好, 无食, 不过比其他人清碟.
8. 金银苋菜 -- 一样无味精, 菜唔会太淋, OK味.
9. XO酱炒牛柳粒 -- 有少少辣, 够香, 不过牛肉系普通雪藏柳肉, 一般啦!
最搅鬼系佢有番鬼佬甜品: 心太软, 木糠布甸, 杧果布甸, 榴梿pancake....当然紧有中式甜品啦! 因为太饱, 食唔落, 只系叫咗2个木糠布甸,2个杧果布甸同白果腐竹雪耳糖水嚟试..哦~全部都唔太甜, 食饱饭后再食呢个甜度刚好, 仲有果盆送o架~
仲有~呢度虽然唔大, 大约30枱, 但系楼面得果十只手指都有多嘅人做嘢咋! 你一边食, 会一边喵到好多黑影系身边飞过.....系~飞过唔系飘, 飘太慢喇~!因为人太少, d唔知系部长定侍应全部都系用跑嘅...几十岁人, 几有活力. 不过又唔惊倒泻𩠌㖞, d传菜系行嘅. 虽然人少, 但一样无黑面, 仲会自动波, 周围揾吓边度要冲水, 换碟.....
行到出门口, 见到个细路攞住个食剩纸托嘅"心太软"仲系咁刨......下次一定要试
总之你一边食住d咁好味嘅𩠌, 一边睇佢哋为两餐4围腾, 就会觉得呢间酒楼好有"heart"啰
张贴