基隆茶餐廳

营业中

休息中

今日难得去开基隆街，正苦恼食咩野做晚餐。居然俾我揾到间茶记，门外仲有大量鱼类菜式，二话不说就入去食。侍应服务很好，即使两人亦安排卡位俾我地。入到去当然马上嗌左一个咸柠蒸乌头同八珍豆腐煲，仲左两枝啤酒，食小菜当然要饮啤酒。点知食到一半，听到几枱都问紧一个隐藏菜式-京都鸡扒。生存左咁耐第一次听到京都居然系鸡扒，于是决定加码叫埋呢个。后来听姐姐说原来京都猪扒变成京都鸡扒来自一个偶然既机会，咁岩没猪扒就叫客人改鸡扒，点知就变成一个隐藏菜式，人人黎到都要叫京都鸡扒。不得不说，呢间餐厅相当足料，八珍豆腐煲劲多弹牙既虾。估唔到60元既小菜可以有咁多海鲜。咸柠蒸乌头既咸柠汁亦相当开胃，而京都鸡扒更加赞不绝口，鸡肉既滑嫩配上京都汁真系无话可说。叫左咁多野食同饮品，才2xx，一个字：抵。