千代鶴

营业中

休息中

今日想食餐劲嘅，就自己嚟澳门逸园揾食，呢家日式居酒屋朋友以前推荐过，就选择呢家了。听讲炭烤牛舌系呢家居酒屋嘅招牌，所以就点咗厚烧极上牛舌芯。五分熟嘅牛舌外皮微焦，但内里鲜嫩多汁，口感厚实Q弹，新鲜程度爆晒表，自己食完一盘牛舌都唔会觉得腻，唔怪得系招牌。我仲点咗两个手卷，一个系葱吞拿鱼手卷，另一个系三文鱼子手卷，食材非常新鲜，味道都唔错。嚟到居酒屋，烧鸟我肯定会试下，我呢次点咗3点鸡拼盘，分别系小肉、鸡心同埋鸡肾，厨师嘅烧制手法娴熟，食材新鲜原汁，味道正宗。食完之后就明点解我朋友会推荐呢家居酒屋，不过今日我自己一个人嚟食，所以净系点咗呢四样，下次会再同朋友嚟试下其他野。