影片
更多
2019-01-14
646 浏览
今日又难得可以早放，就相约同事一齐去食餐丰富嘅午餐。因为我哋三个都好钟意食甜品，就特意揾间主打甜品嘅餐厅。上网一查，发现L.D.K by Ufufu Café 嘅主菜同甜品餐单都好多种类，仲要系用日本食材，所以就决定试下！我哋今次将三份主菜升级到午市套餐，加多$20就多一个沙津，汤或者饭同餐饮，都几抵。今日嘅餐汤系粟米忌廉汤，个汤好香甜，仲有粒粒粟米，完全就系日本罐装栗米汤嘅味！我哋三个分别叫咗三种沙津，有烟三文鱼，照烧鸡肉同鸭胸肉。我嘅烟三文鱼分量比想像中多，啲菜爽脆，加埋沙津酱都几开胃。第一个主菜系豚肉生羌烧捞乌冬。呢碗捞乌冬好足料，劲多片豚肉。可惜豚肉有少少干，不过捞埋暖泉蛋同甜甜嘅烧汁，食落去就唔会太干，呢个组合好夹。个烧汁真系有淡淡嘅羌味，所以个汁好有层次，唔会得个甜味。最令我哋欣赏嘅系乌冬，因为条条乌冬都好弹牙，只有日本乌冬先会又弹牙又有麦香。第二个主菜系帆立贝，松叶蟹海胆忌廉汁意粉。本身都怕食蟹会好麻烦，想叫其他意粉，不过同事都话呢三种海鲜好吸引，咁就试下！个意粉一上枱，大家都哗咗一声，因为个蟹脚超大件，仲俾咗只蟹钳我哋！除咗帆立贝同松叶蟹，原来仲有三文鱼子同海胆！除咗海
粟米忌廉汤
$20
24 浏览
0 赞好
0 留言
我哋今次将三份主菜升级到午市套餐，加多$20就多一个沙津，汤或者饭同餐饮，都几抵。今日嘅餐汤系粟米忌廉汤，个汤好香甜，仲有粒粒粟米，完全就系日本罐装栗米汤嘅味！
沙津
$20
28 浏览
0 赞好
0 留言
我哋三个分别叫咗三种沙津，有烟三文鱼，照烧鸡肉同鸭胸肉。我嘅烟三文鱼分量比想像中多，啲菜爽脆，加埋沙津酱都几开胃。
豚肉生羌烧捞乌冬
$88
47 浏览
0 赞好
0 留言
第一个主菜系豚肉生羌烧捞乌冬。呢碗捞乌冬好足料，劲多片豚肉。可惜豚肉有少少干，不过捞埋暖泉蛋同甜甜嘅烧汁，食落去就唔会太干，呢个组合好夹。个烧汁真系有淡淡嘅羌味，所以个汁好有层次，唔会得个甜味。最令我哋欣赏嘅系乌冬，因为条条乌冬都好弹牙，只有日本乌冬先会又弹牙又有麦香。
帆立贝，松叶蟹海胆忌廉汁意粉
$198
40 浏览
0 赞好
0 留言
第二个主菜系帆立贝，松叶蟹海胆忌廉汁意粉。本身都怕食蟹会好麻烦，想叫其他意粉，不过同事都话呢三种海鲜好吸引，咁就试下！个意粉一上枱，大家都哗咗一声，因为个蟹脚超大件，仲俾咗只蟹钳我哋！除咗帆立贝同松叶蟹，原来仲有三文鱼子同海胆！除咗海胆无咁鲜甜，我哋都好满意其他海鲜。值得一提嘅系餐厅好细心，俾埋食蟹工具我哋！而我哋其中一位同事仲好抵得谂咁帮我哋拆晒肉，拆出嚟啲肉都唔少架！意粉捞埋啲海鲜，再加埋香浓嘅海胆忌廉汁，超满足！
吉列豚肉佐咖哩蛋包饭
$148
38 浏览
0 赞好
0 留言
吉列豚肉佐咖哩蛋包饭
$148
29 浏览
0 赞好
0 留言
最后一个主菜系吉列豚肉佐咖哩蛋包饭。我哋食完之后都极推介呢个蛋包饭！首先，个豚肉好有肉味，而外面炸到卜卜脆，非常香口！因为系日式咖哩，所以个咖哩系偏甜，又唔会好辣。个饭都好有诚意，系蕃茄炒饭。最令我哋欣赏嘅系个蛋，因为佢好滑又香甜，我哋估应该系加咗啲忌廉或者牛奶。香滑嫩口嘅鸡蛋包住蕃茄炒饭再上香甜嘅咖哩同埋啖啖脆卜卜嘅猪扒，真系超满足！
静冈蜜瓜招牌班戟
$168
31 浏览
0 赞好
0 留言
另外我哋仲叫咗两份甜品，包括静冈蜜瓜招牌班戟同草莓法式多士。虽然两款甜品都有啲贵，不过因为有日本水果，所以我哋就决定豪一次！班戟制作需时三十分钟，所以可以提早落单。我哋食完主菜隔一阵就有甜品噜。个班戟质感比想像中实，唔系好松软，就胜在有蛋香。好彩个蜜瓜系预期嘅青甜多汁。班戟加蜜瓜，配埋忌廉同蜜瓜雪糕，味道好夹！
草莓法式多士
$168
28 浏览
0 赞好
0 留言
最令我哋惊喜嘅甜品系草莓法式多士。因为个多士外脆内软，入面嘅面包同蛋浆融埋一齐，超香滑！好似食紧布甸咁！配埋香甜嘅草莓同雪糕，真系无得顶！
餐饮
$20
34 浏览
0 赞好
0 留言
最后，上埋餐饮，呢餐丰盛嘅午餐就完结喇！
临走时，我哋发现原来两点半之后有下午茶餐，价钱系主餐单嘅一半！超抵！所以我哋都话要再嚟食下午茶！
整体呢讲，我哋都好满意呢餐，虽然价钱少贵，但真系用日本新鲜食材，而且配搭有惊喜，所以我哋都好推介呢间餐厅！
题外话/补充资料：
值得一赞嘅系呢度嘅员工好有耐性同礼貌，佢哋好有耐性咁帮我哋几位港女影合照，喺我哋发现啲相太光时，佢哋仲主动帮我哋就位影多几张！
(以上食记乃用户个人意见 , 并不代表OpenRice之观点。)
张贴
