華苑酒家 (已結業)

好耐冇食海鲜，喺元朗揾左间任饮任食嘅蒸气火㶽，之前成日行过，一直冇机会试，今次有得试啦！个蒸气海鲜套餐都几多款拣，又抵食，包左4款海鲜，而且其他食物都系任叫任点任饮！侍应好有心机介绍，我地拣左象拔蚌仔，贵妃蚌，圣子，同埋龙趸件！ 每样都够大只大份，而且蒸一阵就食得，都吾使落啲咩酱汁都已经好鲜甜，我尤其是喜爱象拔蚌同圣子，好弹牙，爽口，好味呀！另外叫左龙趸件，好嫩滑，都好钟意食。整体来讲都好新鲜，食物好有鲜味，不错啊~任点食物方面，有杂菜，各款虾丸牛肉丸墨鱼丸等，仲有劲好味嘅虫草蒸鸡件，我叫左4次呀！只鸡真系好好味，酿得好入味，又滑，正！ 仲有不得不提嘅娃娃菜超级甜，不断重复食，最后𠮶碗粥真系坚甜，虽然已经劲饱，但都食倒一碗，哈！食完捧住个肚走返屋企。呢间嘅侍应服务几好，会同你吹下水，介绍下食材，几有人情味！