影片
更多
2023-12-12
47 浏览
想同朋友食omakase 好耐，终于决定豪返一次～拣咗之前有朋友食过嘅呢间花晨月夕，因为佢系主打时令菜式，所以每次嘅餐牌都会有所不同，充满惊喜！上一次朋友食咗手板咁大只北海道鲍鱼，唔知今次又有咩惊喜呢？我地就将我哋嘅命运交畀厨师发板啦！🥰菜单分三个级数，分Flower、Sun同埋Moon，我哋横掂要豪，就豪得彻底啲，叫咗一Omakase Sun🌞($1380)同一个Omakase Moon🌝($1580)。Menu入面包括：先付、刺身、御料理、寿司、汤同埋水果。除咗刺身同寿司两个menu会有啲分别之外，其他各项都系一样！😋👍🏻🌞🌝先付：炸北海道公鱼，糖渍栗子，柚子萝卜，芝麻昆布、糖渍黑豆同水云，摆盘好有心思，好似一件小型嘅摆设。每样食材都好新鲜，店员话厨师会选用当季最新鲜嘅食材。🥰👍🏻每样渍物都各有特色，糖渍栗子同黑豆口感好绵密，有淡淡嘅甜味；炸公鱼同芝麻昆布就好脆口；最钟意个柚子萝卜同埋水云，酸咪咪好开胃，仲可以为接住落嚟嘅大餐作好品尝嘅准备！刺身～🌞Omakase Sun：刺身三款：鲛鲽鱼片（3片）、火炙𫚕鱼片（厚切）、鱼籽马粪海胆配蟹肉蟹膏（配海苔）。两种鱼片各有千秋，因为食材新
菜单分三个级数，分Flower、Sun同埋Moon，我哋横掂要豪，就豪得彻底啲，叫咗一Omakase Sun🌞($1380)同一个Omakase Moon🌝($1580)。
Menu入面包括：先付、刺身、御料理、寿司、汤同埋水果。除咗刺身同寿司两个menu会有啲分别之外，其他各项都系一样！😋👍🏻
🌞🌝先付：炸北海道公鱼，糖渍栗子，柚子萝卜，芝麻昆布、糖渍黑豆同水云，摆盘好有心思，好似一件小型嘅摆设。每样食材都好新鲜，店员话厨师会选用当季最新鲜嘅食材。🥰👍🏻每样渍物都各有特色，糖渍栗子同黑豆口感好绵密，有淡淡嘅甜味；炸公鱼同芝麻昆布就好脆口；最钟意个柚子萝卜同埋水云，酸咪咪好开胃，仲可以为接住落嚟嘅大餐作好品尝嘅准备！
先付
3 浏览
0 赞好
0 留言
刺身～
🌞Omakase Sun：
刺身三款：鲛鲽鱼片（3片）、火炙𫚕鱼片（厚切）、鱼籽马粪海胆配蟹肉蟹膏（配海苔）。
两种鱼片各有千秋，因为食材新鲜，所以非常鲜甜！火炙令𫚕鱼嘅鱼油油香提升咗一个层次，食完齿颊留香！海胆配蟹肉就唔使多讲，配埋脆脆嘅海苔，丰富嘅口感令到我就算吞咗之后，都会响口腔中留有余韵～🥰🥰😋
Omakase Sun的刺身三款
2 浏览
0 赞好
0 留言
🌝Omakase Moon：
刺身五款：1）鲛鲽鱼片包甜虾他他，上面有鲟鱼子；
2）佐吕间湖生蚝（淡水蚝我都系第一次食🤭😝），蚝味清甜，蚝肉爽脆，口感一流！
3）火炙北海道白子，配上辣萝卜蓉，平衡返白子嘅浓郁味道，感觉浓而不腻！
4）马粪海胆三文鱼籽杯上枱卖相好精致，服务员介绍，三文鱼籽系经厨师渍制过，食味无平时食𠮶啲三文鱼籽咁浓，反而有淡淡嘅甜味，配合浓郁嘅海胆，相辅相成，令人十分满足！
5）当然，唔少得嘅就系口感一流嘅火炙𫚕鱼片！
Omakase Moon的刺身五款
2 浏览
0 赞好
0 留言
🌞🌝御料理：海之米盐曲煮🥣
盐曲煮即系先用盐去让米发酵成曲，而啲米煮熟之后，会好似粥嘅口感，但系会有一阵咸鲜嘅味道，加上新鲜嘅蟹棒、蟹钳、帆立贝、鱿鱼同埋白蚬～令到呢味料理非常鲜甜！😋
寿司～
海之米盐曲煮
1 浏览
0 赞好
0 留言
十多款寿司用嘅生鱼片各有千秋，由味淡食到味浓，就可品尝各种鱼片嘅鱼油同香气～附上嘅面豉酱渍蒜头同姜片，尤其起到点睛之用，有助于每款寿司之间，清空口内余韵～
🌞Omakase Sun：
1)真鲷、深海池鱼、帆立贝附柚子皮
2)富山县小白虾、地金目鲷、银鳕鱼、关鲭鱼、中拖罗
🌝Omakase Moon：
1)伊佐木，间白鱼，象拔蚌，帆立贝附竹炭盐
2)甜虾他他、金线鲷、黑鯥鱼、手钓池鱼、中拖罗
🌞🌝北海道赤海胆：除咗赤海胆，上面仲加咗北海道淡雪盐同食用金箔粉～除咗好鲜味之外，喷洒金粉呢一刻仲仪式感满满呢！以脆海苔包裹，一口而尽，真系十分过瘾！🥰🥳👍🏻
赤海胆配北海道淡雪盐
10 浏览
0 赞好
0 留言
🌞🌝吸物～
蟹棒真丈清汤：除咗蟹棒之外，真丈其实即系大蟹丸，配合清甜嘅汤汁，饮完之后十分暖和，可以平衡返刺身同寿司嘅生冷！
蟹棒真丈汤
14 浏览
0 赞好
0 留言
🌞🌝水果～
北海道赤肉密瓜🍈，香印提子🍇
两款水果都好合时令，清甜多汁，可缓和口腔内海鲜嘅味道，亦为呢顿丰富晚餐或上完美嘅句号！！💞👍🏻😋
赤蜜瓜+香印提子
1 浏览
0 赞好
0 留言
（前）佐吕间湖生蚝 （后）鲛鲽鱼片
0 浏览
0 赞好
0 留言
张贴
