麻辣串串香 (已結業)

非常美味的串烧店，食材十分新鲜，即叫即烧，送啤酒一流！前菜叫了麻辣猪耳及皮蛋。辣度不高但香口。皮蛋是黄金色的，问老板说叫金牛鸭皮蛋，第一次食，觉得特别弹牙。好，到叫串烧！老板推介烧扇贝同露笋秋刀鱼卷，唔谂咁多，即叫！另外仲叫左一大堆串烧，鸡翼，鸡软骨，茄子，牛舌，羊等等...扇贝同露笋秋刀鱼卷先上枱，烧扇贝甜甜地应该加左D酱料，本身食材都好鲜味，配埋蒜头真系一流。露笋秋刀鱼卷我等一次见，一试难忘，估唔到会咁衬，秋刀烧到脆卜卜，加埋露笋，又香又好食，口感一流！必试！鸡翼，鸡软骨，茄子，牛舌，羊等等全部都好好食，羊肉好林又有汁，食得出系好既食材。见佢有酸辣粉就叫左碗，不过不失，比较上串烧出色好多。叫酸辣粉时我地叫左多芫茜，老板好细心咁留意到，转头送左碟烧芫茜俾我地食，我地真系觉得好开心呀！烧芫茜真系好好味，仲要有汁。我地一向食呢类串烧都好钟意食烧蔬菜类，真系好出色。提一提，佢个茄子都好好食。临尾加多客烧菠萝，写上完美的句号。有时间一定会约朋友再帮衬！！