影片
更多
2018-07-24
186 浏览
生日週最想就係食好西，今日男朋友就揀左呢間omakase同我慶祝就連裝修都好有日本嘅風味，好多鶴嘅擺設同埋掛畫~餐牌上面有三個唔同嘅套餐可以選擇～呢個就係前菜啦！分別就係北海道粟米、無花果同埋鮮豆皮～第一次食呢種粟米，佢係生嘅，望落都偏乾身，點知一咬落去原來係又甜又多汁🌽另外想講下個豆皮，豆皮都算滑而且豆香極濃！食完前菜就到刺身啦！左上角嗰款就係海螺，質感十分之爽，而且有咬口，最特別嘅係佢好似有啲軟骨咁～右上角嗰個就係赤背，佢本身已經有少少味用咗青檸同埋鹽左下角係深海池魚，唔算好多油，質感便實身彈牙，味道一流！右下角係燒過嘅金目鯛，一向燒過嘅雨都會迫晒啲油出黎，所以真係好香好滿足，平時好少見到金目鯛，整個呈現粉紅色，燒過嘅魚皮加上魚油整個波光粼粼，好靚🤩北海道生蠔～非常鮮甜，中間比較creamy，但係裙邊非常爽口，可以話係一隻生蠔滿足兩種口感估唔到廚師發板會有鮑魚食，仲要係原隻鮑魚啊！師傅整得十分之淋，好易咬🤩喺上壽司之前，師傅會比少少佢自己醃嘅春薑，其實我自己就唔鍾意食薑嘅，但係呢個真係好好食！唔會太辣，酸酸甜甜，爽口冇渣！男朋友本身好鍾意食薑，佢更加係讚不絕口👍左上角既係北奇貝，食
就連裝修都好有日本嘅風味，好多鶴嘅擺設同埋掛畫~
餐牌上面有三個唔同嘅套餐可以選擇～
呢個就係前菜啦！
分別就係北海道粟米、無花果同埋鮮豆皮～
第一次食呢種粟米，佢係生嘅，望落都偏乾身，點知一咬落去原來係又甜又多汁🌽
另外想講下個豆皮，豆皮都算滑而且豆香極濃！
食完前菜就到刺身啦！
左上角嗰款就係海螺，質感十分之爽，而且有咬口，最特別嘅係佢好似有啲軟骨咁～
右上角嗰個就係赤背，佢本身已經有少少味用咗青檸同埋鹽
左下角係深海池魚，唔算好多油，質感便實身彈牙，味道一流！
右下角係燒過嘅金目鯛，一向燒過嘅雨都會迫晒啲油出黎，所以真係好香好滿足，平時好少見到金目鯛，整個呈現粉紅色，燒過嘅魚皮加上魚油整個波光粼粼，好靚🤩
北海道生蠔～非常鮮甜，中間比較creamy，但係裙邊非常爽口，可以話係一隻生蠔滿足兩種口感
估唔到廚師發板會有鮑魚食，仲要係原隻鮑魚啊！師傅整得十分之淋，好易咬🤩
喺上壽司之前，師傅會比少少佢自己醃嘅春薑，其實我自己就唔鍾意食薑嘅，但係呢個真係好好食！
唔會太辣，酸酸甜甜，爽口冇渣！男朋友本身好鍾意食薑，佢更加係讚不絕口👍
左上角既係北奇貝，食材非常新鮮，上菜果陣仲郁緊🙀
右上角嗰個就係鯖魚，其實我就冇乜點食過鯖魚刺身，仲佢唔到又幾特別！
左下角即係微微燒過嘅赤農，赤農更加係聽都未聽過！美味燒過嘅表面將啲魚油的晒出嚟，入口即溶。
右下角嘅就係牡丹蝦加白蝦，平時係只會食到牡丹蝦，依家有兩種唔同嘅蝦兩種唔同嘅質感，令到整體口感更加豐富～
相信以下呢幾種都唔需要多講，大家都知係咩黎～
分別就係赤身同埋拖羅，拖羅係我最愛入口即溶冇得輸😋
左下角嗰個就係類似海膽杯壽司，海膽搭到勁高，非常鮮甜，口感creamy，好似食緊雪糕咁🤤🤤海膽完全充滿食個口， 勁滿足！
右下角嗰個就係海膽加拖羅蓉卷～紫菜夠晒脆！
接下來就係麵䜴湯，好明顯飲得出唔多味精👍
最後最後就係紅豆蓉綠茶雪糕🍦
成餐都好滿足，所有嘢食都好好味！
師傅每一道菜都係新鮮即整，我一道菜都會有足夠時間等你試真啲👍
有呢一餐做我嘅生日實在非常滿足呀！
张贴
