影片
更多
2024-12-03
818 浏览
餐厅细细地小店形式，干净企理，有吧台及卡位，我哋当然会拣吧台喇😄，因为可以近距离睇到师傅表演，有视觉及味觉双重享受😆。当晚两个前菜有牛蒡渍物及红酒荞头，前者咸香爽脆，后者带点红酒香，爽甜开胃😋。🥢鳕鱼白子 白子幼滑creamy口感整像布甸，配上酸醋汁、辣椒蓉、葱花及食用花，清新唔腻👍。🥢深海池鱼2食1 刺身 - 鲜甜爽口，鱼味浓郁，鱼油甘香丰盈。2 池鱼葱苗卷 - 除咗鱼味浓郁之外，葱苗嘅清香随著咀嚼慢慢渗出，多咗份清新爽香嘅味道，正👍。🥢活赤贝非常新鲜，师傅只加咗少少岩盐及青柠汁，已经够哂鲜甜，而且肉质爽脆无比😋。🥢岩手县赤崎生蚝蚝身胀卜卜非常肥美，新鲜爽口，蚝味浓郁之余海水味亦偏重，并带着丰富嘅矿物味，呢款咁新鲜嘅生蚝师傅话只系响呢两个月最当造💫。🥢烧鳕鱼棒新鲜烧起嘅鳕鱼干香口又脆卜卜 ，一定要点埋沙律酱一齐食😆。🥢秋刀鱼3食坐吧台确实有好处，见师傅即席将条秋刀鱼解体并将骨拔起，每个步骤都好小心，真系越睇越肚饿😄。1 刺身 - 鱼味浓郁并充满脂香，配上姜蓉使得整体清新唔腻亦增添份香气😋。2 矶边卷 - 外型超靓，用香脆嘅紫菜卷住秋刀鱼、葱芽等食材，紫菜独特嘅芳香再加上浓香秋刀鱼，非
当晚两个前菜有牛蒡渍物及红酒荞头，前者咸香爽脆，后者带点红酒香，爽甜开胃😋。
🥢鳕鱼白子
白子幼滑creamy口感整像布甸，配上酸醋汁、辣椒蓉、葱花及食用花，清新唔腻👍。
🥢深海池鱼2食
1 刺身 - 鲜甜爽口，鱼味浓郁，鱼油甘香丰盈。
2 池鱼葱苗卷 - 除咗鱼味浓郁之外，葱苗嘅清香随著咀嚼慢慢渗出，多咗份清新爽香嘅味道，正👍。
🥢活赤贝
非常新鲜，师傅只加咗少少岩盐及青柠汁，已经够哂鲜甜，而且肉质爽脆无比😋。
🥢岩手县赤崎生蚝
蚝身胀卜卜非常肥美，新鲜爽口，蚝味浓郁之余海水味亦偏重，并带着丰富嘅矿物味，呢款咁新鲜嘅生蚝师傅话只系响呢两个月最当造💫。
🥢烧鳕鱼棒
新鲜烧起嘅鳕鱼干香口又脆卜卜 ，一定要点埋沙律酱一齐食😆。
🥢秋刀鱼3食
坐吧台确实有好处，见师傅即席将条秋刀鱼解体并将骨拔起，每个步骤都好小心，真系越睇越肚饿😄。
1 刺身 - 鱼味浓郁并充满脂香，配上姜蓉使得整体清新唔腻亦增添份香气😋。
2 矶边卷 - 外型超靓，用香脆嘅紫菜卷住秋刀鱼、葱芽等食材，紫菜独特嘅芳香再加上浓香秋刀鱼，非常好味😋。
3 寿司 - 脂香嘅秋刀配上紫苏花，唔腻之余亦多份香气🥰。
师傅话呢一两个月秋刀鱼系最肥美，所以要食就趁当做，过咗圣诞后就无咁肥美😜。
🥢厚切牛舌串烧
厚厚嘅牛舌烧到内里粉嫩juicy，外面焦香，肉质爽弹。
🥢茶碗蒸
非常滑溜又有蛋香嘅茶碗蒸，配上新鲜咸香嘅三文鱼子及creamy 鲜甜海胆，好味👍。
我哋今次所食嘅都系正值时令嘅鱼生及生蚝，所以想食到最新鲜嘅食材，记得直接向店家问下。
另外仲发现有个好优惠嘅刺身盛🤩，原价$388而家都只系卖$228，性价比超高🤑，咪执输下次再去食过🏃♀️。
张贴
