茶涮涮 (已結業)

之前朋友食过呢间，推介我黎，果然冇介绍错!系铜锣湾地铁站过黎都好方便，5分钟内就到。铺名茶涮涮，当然要试下佢既火锅啦。点了犇盛合! 比想像中都几多道菜! 食完沙律，就会有刺身三点，今日系三文鱼， 吞拿鱼同埋油甘鱼。油甘鱼肉质弹性、鱼油香浓! 每款剌身都系劲厚切! 火锅汤底 - 濑户内海柠檬塩曲汤锅之前未食过呢款汤底，睇落清清地，火锅咁食好清爽不腻。肉类方面，每款都好唔错，油脂岩岩好，唔会过肥。美国无激素春鸡真系同平时食到既好唔同，更浓鸡味，又唔会系雪藏味重。海鲜就有，野生虎虾 / 特选帆立贝 / 时令海鱼。虎虾好大只，碌完都唔会缩晒水。帆立贝睇图都见到好新解，又大粒! 仲有海鱼，平时我好怕鱼腥，呢款完全唔会，我仲食左大部分! 肉质唔松散，而且鲜甜。野菜盘好大! 有金菇、粉丝、豆腐、南瓜、娃娃菜、大豆芽等等。最后一定要食个稻庭乌冬作结，好满足。