岩鹽日本料理 (利舞臺廣場) (已結業)

位于铜锣湾利舞台 16/F，店内环境舒适，装修别致，座位大部分系卡位，坐得比较舒服。今日一行四人嚟食，叫咗三个定食，再叫咗两个沙律，一碟牛舌，而定食方面都会包沙律、味噌汤、饮品或雪糕，相当丰富。🔝本生块牛扒已经有两成熟，再按个人喜好去烧。牛扒我地烧到六成熟，牛味重，呢个价钱食呢款牛嘅质素已经好好。而呢个定食包埋刺身、饭同沙律，本人觉得好抵食。🔝呢个饭可以唔洗叫，鹅肝唔香，牛小排好嚡口，饭无味，都几难食。🔝寿司有三文鱼2件，油金鱼，吞拿鱼，带子，牡丹虾，海胆，赤身，时令鱼，卷物3件食材新鲜，寿司款式丰富，带子厚肉甜美。而乌冬口感都算烟韧，值得一试。🔝吞拿鱼茸够多，满足到口感，如果香葱再多少少就更加好。🔝食材新鲜，日本蕃茄好juicy，闻落淡淡松露味，再配上水牛芝士，令人更加开胃。🔝上层有红豆蓉同紫薯蓉，底下有蟹籽薯仔沙律，味道不错。🔝牛香味重，肉汁丰富，口感爽脆，好好食。