影片
更多
2018-05-19
52 浏览
好少黎大角嘴食嘢，好彩有人介绍我食呢间地道菜馆，将刺身同打边炉呢两样香港人最钟意嘅嘢二合为一。埃华街直头系一条食街咁，有好多食肆，呢间财记都唔难揾，大大个招牌。虽然佢唔系放题形式，但都非常多选择，价钱都相宜。我地一班人第一时间叫咗刺身食先，无谂过系一间大众化嘅餐厅食得咁高质嘅鱼生，三文鱼腩都系$78咋，油香超丰富，好肥美，加拿大海胆系新鲜货，仲有四洲紫菜俾食客包住嚟食，好得意，个种海水鲜味萦绕系口腔不散。帆立贝刺身好厚肉，上面舖满蟹籽，好得。仲想特别讲下佢个啲垫住刺身嘅海藻，好爽脆，市面好少见。跟住试下佢啲盐烧鲍鱼，本身想叫刺身㗎，但伙记话盐烧仲正，咁紧系听佢讲，又真系唔错㖞，唔会话好淡味，剪开一块块食更易入口食完刺身当前菜后，跟住就到火锅啦，想试多啲，所以嗌咗鸳鸯锅底，一个系清汤，另一个系沙嗲。无牛肉唔可以叫打边炉，我地叫咗个本地手切肥牛，真系不得了，新鲜果然唔同啲，牛味系口中爆发，停唔到咁食。另外嗌咗墨鱼滑，我自己一个几乎食咗半碟咁滞，真系好弹牙，好多墨鱼粒系𥚃面，仲要好原汁原味，唔会有过多调味个啲，推介！乌冬就系赞歧乌冬，面质滑身又烟韧啲见到有芝心狮子狗忍唔住嗌咗，渌到浮上汤面就
埃华街直头系一条食街咁，有好多食肆，呢间财记都唔难揾，大大个招牌。
虽然佢唔系放题形式，但都非常多选择，价钱都相宜。
我地一班人第一时间叫咗刺身食先，无谂过系一间大众化嘅餐厅食得咁高质嘅鱼生，三文鱼腩都系$78咋，油香超丰富，好肥美，加拿大海胆系新鲜货，仲有四洲紫菜俾食客包住嚟食，好得意，个种海水鲜味萦绕系口腔不散。帆立贝刺身好厚肉，上面舖满蟹籽，好得。
仲想特别讲下佢个啲垫住刺身嘅海藻，好爽脆，市面好少见。
跟住试下佢啲盐烧鲍鱼，本身想叫刺身㗎，但伙记话盐烧仲正，咁紧系听佢讲，又真系唔错㖞，唔会话好淡味，剪开一块块食更易入口
食完刺身当前菜后，跟住就到火锅啦，想试多啲，所以嗌咗鸳鸯锅底，一个系清汤，另一个系沙嗲。
无牛肉唔可以叫打边炉，我地叫咗个本地手切肥牛，真系不得了，新鲜果然唔同啲，牛味系口中爆发，停唔到咁食。
另外嗌咗墨鱼滑，我自己一个几乎食咗半碟咁滞，真系好弹牙，好多墨鱼粒系𥚃面，仲要好原汁原味，唔会有过多调味个啲，推介！乌冬就系赞歧乌冬，面质滑身又烟韧啲
见到有芝心狮子狗忍唔住嗌咗，渌到浮上汤面就食得，好多芝士，几香甜，不过食几粒就够，因为会饱饱地
总括而言成餐饭都系good 嘅，尤其是刺身，有好多日本餐厅都未有咁高质！
张贴
