旅鍋火鍋私房菜專門店 (已結業)

今日庆祝朋友生日，佢竟然拣食打边炉，咁麻甩嘅选择梗系奉陪啦！所以就拣咗间比较新嘅火锅舖，呢间仲要喺地库嘅，好彩广告牌都好显眼，如果唔系应该好难揾到！一坐低，劲多选择，有好多牛好多海鲜好多丸类嘅选择！睇见都流口水！而家仲做紧唔同部位牛嘅优惠价，可以用平啲嘅价钱是都唔同牛嘅部位！咁我哋梗系唔好放过啊，嗌咗五花趾！牛味超香浓！好大碟都好快俾我哋一次过食晒！之后我哋仲叫咗个二至四人套餐，有包埋火锅汤底，同埋唔同嘅火锅料！都只系$438！真系抵到烂！又有丸，同埋三款牛，仲有返埋菜同埋乌冬！如果细食啲嘅话，应该都够饱！而我哋仲叫咗啲海鲜，买咗鲍鱼同埋蚬，海鲜方面都几新鲜，以前嘅话如果唔新鲜会包换，咁样嘅服务态度，都几唔错，起码食物质素有保证！