不倒翁中日火鍋料理

营业中

休息中

今次约左同事仔打边炉，好耐无见，佢都算唔话得，就到我系佐敦，所以真系做九龙人最方便，哈哈哈叫左个鸯锅底 ，面鼓汤底很香浓，有唔少昆布，豆腐粒，非常下火。仲有沙嗲汤劲浓花生香味，劲惹味。鲜枝竹 一盘都好多下，已浸软，不会好易散，枝竹都升靓，劲香豆味金牌手切牛 由于朋友食素，我就可以整蝶食晒佢。肉质嫩滑，油脂分布平均，切得唔算太厚太薄，入口鲜嫩无比。韭菜饺有4只，满满嘅馅料胀卜卜，馅料有新鲜虾仁爽口弹牙，韭菜都算多，亦都有少少瘦肉。鱼皮饺有4只，鱼皮饺算大只，外层烟烟靭靭，半透明状态，馅料嘅鲜肉，食落去非常鲜味。丸双拼 有爽口弹牙嘅虾丸，亦有墨鱼肉粒嘅墨鱼滑，我最钟意呢一类海鲜打成胶状嘅鱼滑，非常新鲜。酱油都算多款都系每位 $25，服务很好，主动帮我哋加汤或者加水。其实二人套餐都好抵食，只系当日我哋唔太食得生冷嘢，所以散叫为主，都一样有好多选择。