小肥鵝火鍋料理 (已結業)

睇东TOUCH介绍呢间野， 谂住去试下新野。当晚去到约7点几， 唔使等位， 入去第一时间叫左招牌肥鹅煲， ＄118。食物上枱尚算快， 但D鹅肉数量就好少， 得2件肉， 骨就多， 鹅头都有2件，份量少得有D过份。而且D鹅食落都麻麻地， 冇鹅味，肉质淋池池， D汁又好咸， 唔好食。跟住叫埋鹅肠， 牛心顶， 黑色牛柏叶和鲩鱼皮。D食材食落真系麻麻地， 鹅肠好厚身， 一D都唔香。 牛柏叶没有原料味道， 仲要系淋既， 一D都唔爽。鲩鱼皮腥到呕， 滚几耐都仲系咁腥。牛心顶食落仲有阵漂白水味， 唔知食紧乜。本来未够饱， 仲想叫多D野食， 但上左呢几样之后， 已经唔敢再叫其他野食啦， 为有埋单。2个人埋单＄310大圆， 绝对唔抵食，同埋好耐未食过咁难食既火㶽。