影片
更多
2024-12-06
562 浏览
同阿头响深水埗做完嘢，佢话有一间茶餐厅好有特色，带咗我嚟杰星第一个睇到嘅特色，系装修几特别，我睇到一个牌写住食来运转，希望食咗好运不停响我身上转啦🤣第二个特色，自助加水加茶见得多，但系茶餐厅有自助生果，系第一次见，今日食晒三款龙眼、哈密瓜、同埋橙阿头二话不说，叫咗杂扒蛋盖饭，上碟时发现，鸡牛猪三块扒都已经切好，上碟个丰富感好鬼正呀！我每样都试一小块，腌得入味，肉质好，加埋蒜蓉汁够浓够香，色香味齐晒啦！既然个牌写人生在世，先吃为敬，就试冬日限定羊腩饭啦！上碟热辣辣，食落暖笠笠，入味得嚟啲羊腩有咬口唔系腍哂，唔会难𡁻或“鞋”口，十分惹味，正呀！饮特饮都只系加$12一杯，我哋分别点咗鸳鸯红豆冰，同埋红豆凉粉冰，个人觉得红豆配鸳鸯，比起传统落嚟嘅红豆冰更胜一筹，而红豆同凉粉一淋一硬嘅口感亦都好特别！午餐食得有少少压力，因为真系好多人入嚟啊！咁有特色兼好味嘅茶餐厅，咁都系好值得嘅，多谢阿头带我嚟！食来运转在杰星午饭一顿叻靓醒先吃为敬冇得顶人生在世有温情
同阿头响深水埗做完嘢，佢话有一间茶餐厅好有特色，带咗我嚟杰星
第一个睇到嘅特色，系装修几特别，我睇到一个牌写住食来运转，希望食咗好运不停响我身上转啦🤣第二个特色，自助加水加茶见得多，但系茶餐厅有自助生果，系第一次见，今日食晒三款龙眼、哈密瓜、同埋橙
阿头二话不说，叫咗杂扒蛋盖饭，上碟时发现，鸡牛猪三块扒都已经切好，上碟个丰富感好鬼正呀！我每样都试一小块，腌得入味，肉质好，加埋蒜蓉汁够浓够香，色香味齐晒啦！
既然个牌写人生在世，先吃为敬，就试冬日限定羊腩饭啦！上碟热辣辣，食落暖笠笠，入味得嚟啲羊腩有咬口唔系腍哂，唔会难𡁻或“鞋”口，十分惹味，正呀！
饮特饮都只系加$12一杯，我哋分别点咗鸳鸯红豆冰，同埋红豆凉粉冰，个人觉得红豆配鸳鸯，比起传统落嚟嘅红豆冰更胜一筹，而红豆同凉粉一淋一硬嘅口感亦都好特别！
午餐食得有少少压力，因为真系好多人入嚟啊！咁有特色兼好味嘅茶餐厅，咁都系好值得嘅，多谢阿头带我嚟！
食来运转在杰星
午饭一顿叻靓醒
先吃为敬冇得顶
人生在世有温情
张贴
