餃子縣餃子專門店 (已結業)

之前系屯门个间饺子县食过两次，个时餐牌都有转过，但味道一样咁好味，今次系旺角行街，行行下竟然见到饺子县系旺角开左分店！ 见到门口既餐厅都已经忍唔住拉左男朋友入去食！我地好肚饿，所以一黎就叫左个担担面两个人share. 呢到既担担面我系第一次试，一上菜就有好香既花生味，系担担面独有既特色，但个汁一d都唔杰挞挞，反而浓淡适中，每啖都可以包住d面咁入口，好味！饺子叫左黑松露芝士饺，津白饺子，紫菜饺子同埋白菜饺，全部都转左做冰花煎饺，全部上到黎都煎得金黄，无㶶啊！ 好劲！津白煎饺同白菜煎饺就系传统个只饺子，菜同肉既比例岩岩好，肉味唔会抢左菜既香味同清新既感觉紫菜煎饺我要特别推介！ 成只饺子一咬落去d紫菜味就飘哂出黎，望入去，成只饺都有啊！ 呢款系创新饺，我暂时未系其他地方食过，食过翻寻味！最后系我最钟意既黑松露芝士煎饺，咬开d汁已经流哂出黎，要吸返啊，黑松露味好重，啖啖都有食到，芝士唔会太多，岩岩带起左个口感出黎，流质既芝士唔会令到食落腻，我一个人就食左4只，留左一只比男朋友咋haha