影片
更多
2020-07-12
1640 浏览
早两晚同朋友食饭, 两条麻甩女好想食辣, 打边炉又怕热气, 最后去左呢间食左n次都仲系觉得佢好好食嘅泰菜!餐厅位于佐敦, 名叫”三妹唛”, 而真系由三姊妹泰国人主理, 所以味道非常正宗㗎👍🏼 特别依家想飞都飞唔到去泰国😭😭，一想食泰菜我90%都会去呢度支持下小店温馨提示：佢无靓靓装潢，大排档队啤酒🍻格局 (怕污糟嘅港女可以👋🏻，留番啲位俾有需要嘅饥民啦🥶)...特别推介佢个干咖哩(可以配鱼/虾/蟹/肉，但系一定一定一定要配佢个厚厚蒜蓉多士, 抆匀啲汁, 真系好正好正好正😛), 佢个生菜包同飞天通菜都好得㗎😍! 不过呢晚我地得两个女仔, 真系叫唔到咁多野，最后叫左：1. 生虾(其实佢只只虾都好肥美，配埋个坚辣嘅汁, 饮啖泰啤🍺, 麻甩女幸福, 莫过于此...)2. 小食拼盘 (每样两件, 啱晒贪新鲜, 样样都试下嘅饮食男女; 值得一提, 我同朋友平时都麻麻地食鱼, 但系个鱼饼加入左香茅同其他泰式香料, 辟左阵鱼腥味, 成功令我地食完一嚿又一嚿）3. 泰式凤爪 (出色! 食唔到太辣可以叫佢少辣, 每次必食)4. 盐烧乌头 (都系re-order之选👍🏼 之前试过佢个明炉鱼, 但系都系钟情于
餐厅位于佐敦, 名叫”三妹唛”, 而真系由三姊妹泰国人主理, 所以味道非常正宗㗎👍🏼 特别依家想飞都飞唔到去泰国😭😭，一想食泰菜我90%都会去呢度支持下小店
温馨提示：佢无靓靓装潢，大排档队啤酒🍻格局 (怕污糟嘅港女可以👋🏻，留番啲位俾有需要嘅饥民啦🥶)...
特别推介佢个干咖哩(可以配鱼/虾/蟹/肉，但系一定一定一定要配佢个厚厚蒜蓉多士, 抆匀啲汁, 真系好正好正好正😛), 佢个生菜包同飞天通菜都好得㗎😍!
不过呢晚我地得两个女仔, 真系叫唔到咁多野，最后叫左：
1. 生虾(其实佢只只虾都好肥美，配埋个坚辣嘅汁, 饮啖泰啤🍺, 麻甩女幸福, 莫过于此...)
2. 小食拼盘 (每样两件, 啱晒贪新鲜, 样样都试下嘅饮食男女; 值得一提, 我同朋友平时都麻麻地食鱼, 但系个鱼饼加入左香茅同其他泰式香料, 辟左阵鱼腥味, 成功令我地食完一嚿又一嚿）
3. 泰式凤爪 (出色! 食唔到太辣可以叫佢少辣, 每次必食)
4. 盐烧乌头 (都系re-order之选👍🏼 之前试过佢个明炉鱼, 但系都系钟情于佢嘅盐烧鱼多啲)
计落都食左”三妹唛”几年, 真系食极都觉得佢嘅食物质素有保证同抵食, 叫到成枱食物饮品都系大概$200/人!
地址:
三妹唛 (佐敦)
佐敦吴松街109号地下
P.S. 建议约多几个朋友仔一齐去, 叫多几样野试下!
P.S. 餐厅只收现金，㩒定钱啊!
P.S. 唔系净系九龙城先有好食泰菜㗎!
$200
36 浏览
0 赞好
0 留言
张贴
