勝手 (已結業)

呢间餐厅系铜锣湾比较偏既地带，朋友带我黎先识。😶我地中午黎，佢有lunch set，包配菜汤同甜品，我地叫个个set唔到$70，铜锣湾黎讲好抵，佢和牛个餐就贵啲。因为另外见佢都多串烧，一开始惊唔够，所以叫埋，后尾抱住个肚走🤰🏻个配菜都几高质，我地都好钟意个面鼓汤。平时我自己唔会点鸡泡鱼干，朋友点左，食落甜甜地，好正。个免治鸡肉串好嫩，佢底下个个系酱油，中间有个生鸡蛋，点酱食好浓郁。另外我最钟意个鹌鹑蛋串，佢表面烤完，将啲酱汁味都烤左入去，好味。另外主菜我点左牛舌，个牛舌好嫩，同埋煮得好入味，另外最重点系，个量真系劲多，通常都系下面铺满葱，上面系肉，结果佢全部都系肉，好抵，但都劲饱。朋友点左烤靖鱼，我试左啲，鱼肉好嫩，我从来唔点靖鱼，因为好惊点到「鞋」既，呢个我下次黎会考虑点。不过佢真系好大条，可以点少啲串烧🤣最后个甜品应该系羊羹，但佢无平时个啲咁甜，我觉得系岩岩好，同埋因为细细旧，最后食可以中和全部都系肉既肉腻。总结午餐真系好抵，会再返黎。