影片
更多
2019-09-13
127 浏览
日本有句说话叫「食欲之秋」，秋天系食材丰收季节，蔬果肉鱼都特别鲜美，绝对系食「厨师发办」Omakase嘅最合适季节。适逢老友生日，今次就由我做东请佢食好西。餐厅喺铜锣湾食街登龙街嘅V Point。地方都几宽敞，灯光明亮，播放住柔和嘅音乐，感觉舒服。 我哋就坐喺圆型料理枱嘅座位享受师傅精心制作嘅Omakase。Omakase set 枫$850【前菜】系熊本番茄。剥咗皮，淋上和风汁，下面有海藻。番茄味道清新，酸中带甜，用透明玻璃碟装住，好有清凉感觉，夏天食更觉开胃。【旬の刺身】有时令嘅䲞鱼、拖罗同海胆刺身。摆碟精致，䲞鱼半透明嘅肉色再加紫红色嘅边皮，好似花瓣，再加食用花点缀，真系好似一幅画。䲞鱼落咗柚子粉，味道带少少果味嘅酸甜，几特别。想再酸甜啲可以蘸特别准备嘅酸汁+萝卜蓉+香葱。拖罗同海胆都系「卖飞佛」，一次过放晒入口，大满足！不得不提嘅系点缀嘅食用花，食完成口花香。【小食】系合桃小女子，小女子系鱼名嚟，第一次听，呵呵。【烧き物】陶烧太刀鱼，鱼皮烧到皮带脆，用鳗鱼汁烧甜得嚟惹味。【旬の寿司】加拿大牡丹虾，落咗日本酱油，不过最「画龙点睛」嘅系上面一条小小嘅芬兰刁草，除咗鲜爽牡丹虾仲有清香
餐厅喺铜锣湾食街登龙街嘅V Point。地方都几宽敞，灯光明亮，播放住柔和嘅音乐，感觉舒服。 我哋就坐喺圆型料理枱嘅座位享受师傅精心制作嘅Omakase。
Omakase set 枫$850
【前菜】系熊本番茄。剥咗皮，淋上和风汁，下面有海藻。番茄味道清新，酸中带甜，用透明玻璃碟装住，好有清凉感觉，夏天食更觉开胃。
【旬の刺身】
有时令嘅䲞鱼、拖罗同海胆刺身。摆碟精致，䲞鱼半透明嘅肉色再加紫红色嘅边皮，好似花瓣，再加食用花点缀，真系好似一幅画。䲞鱼落咗柚子粉，味道带少少果味嘅酸甜，几特别。想再酸甜啲可以蘸特别准备嘅酸汁+萝卜蓉+香葱。拖罗同海胆都系「卖飞佛」，一次过放晒入口，大满足！不得不提嘅系点缀嘅食用花，食完成口花香。
【小食】系合桃小女子，小女子系鱼名嚟，第一次听，呵呵。
【烧き物】陶烧太刀鱼，鱼皮烧到皮带脆，用鳗鱼汁烧甜得嚟惹味。
【旬の寿司】加拿大牡丹虾，落咗日本酱油，不过最「画龙点睛」嘅系上面一条小小嘅芬兰刁草，除咗鲜爽牡丹虾仲有清香感觉，配搭一绝。
赤贝，师傅用手一拍赤贝好似开花咁散开，几搞鬼，口感非常爽脆。
左口鱼边，用刺身豉油搽过再火炙，鱼油爆晒出嚟，超级香口，太好食，好想encore T_T。
秋刀鱼，时值初秋，鱼味特别浓，上面放咗少少姜葱，味道好有中国风，好特别。
熟成拖罗，餐厅腌制再经过十日，鱼油丰富，上面紫苏花，鱼油香花香配搭，又一佳作。
北海道海胆，要快食先可以食到劲脆口感嘅紫菜，海胆极鲜甜，绝对上品。
【味噌汁】大和蚬味噌汁，大和蚬细细粒但几鲜美。
【甜品】日本产嘅水果世界闻名，香印提子系提子中嘅皇者，初秋系当造季节，皮薄鲜甜。静冈蜜瓜就好juicy，甜蜜爽口。
师傅细心介绍每一道菜，睇得出系摆咗好多心思构思尝试不同配搭制作出每道菜式。除咗食物，店员服务到位，甚至餐具用碟都好鬼靓，唔止我哋食到饱，连相机都饱晒。
张贴
