華園餃子館

营业中

休息中

是晚屋企人有节目，只有自己一个人吃晚饭，旺角都食到唔知食咩好，就行左去何文田个边睇下食乜好。经过呢间饺子馆，心谂食得清清地都唔错，所以就入左去啦。大概晚上七时多八时，店内有三四台客人，唔算好热闹。只有自己一个人，所以柄埋坐低自成一角算啦。呢间饺子馆非常多选择，真系好似一间上海菜馆咁，见佢好多食物都有，不过我自己一个人就叫左碗粉就算了。从多款饺子中选择左白菜马蹄猪肉水饺，想叫蕃薯粉佢话无哂，叫我要蕃薯米线，心谂都差唔多就是旦啦，等左一阵就有得食啦。份量都可以，唔算太细碗的，一碗有五粒水饺。唔知点解我饮个汤底已经饮到D马蹄既味道，感觉几清的。水饺唔算好厚皮，不过感觉材料份量唔太多呢，好似好少咁~ 有马蹄粒食落感觉爽口，不过基本上菜同肉既份量都唔太多，所以整个水饺味道都唔太突出... 无咩特别。蕃薯米线几幼滑，咬落几烟韧弹牙，都几钟意的，耐何水饺真系一般左少少。味道清清地，不过食完都够饱肚的~ 水饺未见突出，不过眼见好似好多野食都几吸引咁，或者可以再黎试下挂.....。