Le Grande Bleu (已結業)

好朋友生日除左要食餐好，最紧要饮得够，咁我谂住拎咗2支酒过嚟去开黎嘅时候，侍应同我讲餐厅推出咗任饮有汽酒同埋红白酒，百几蚊一位真系唔使谂，开瓶器都悭返，最开心系有sparkling wine !!我哋点咗套餐，有齐前菜，主菜同甜品，前菜蘑菇汤超级足料，每一啖食到一粒粒蘑菇，好香好浓，三文鱼蓉配新鲜带子，配面包一齐食，好夹好好味。最精彩系有鲍鱼，切埋片够晒细心，入口好弹牙，摆盆亦非常精致。主菜牛柳五成熟刚刚好，唔会出血水，但系肉质正合我心意，最钟意好重牛味，朋友嘅猪柳食做得好出色，任饮红白酒，最好嘅地方就系可以每一道菜，配返唔同嘅酒去品尝，简直系提升味道。最后仲有三个唔同口味嘅意大利饭，有淡味开始食到浓味啊，我最钟意都系鲍鱼意大利饭，中西合璧嘅感觉，好味之余亦好有惊喜。生日点可以无蛋糕，竟然太大意无叫餐厅写字，不过好朋友都唔会介意呢啲细节，大家都好满意呢一餐，而且最开心系不停倾偈不停饮，非常满足嘅一个晚上。