影片
更多
2014-09-07
1360 浏览
好耐之前嘅一晚经过附近揾食，发现成条五光十色嘅吴松街入面，呢一间特别光猛，于是同女友贡埋去睇睇。原来系间平民韩食店，除咗佢个餐牌，就系比佢嘅大光灯吸引住，念念不忘。某晚放工，终于有机会一尝。到达时虽然系八点半，但系间舖冇乜食客，或者个个都好迟先放工都唔定啦，啲食客都系我哋入座之后先陆续嚟到嘅。环境其实唔差，光猛又阔落，冇迫夹感，而且每枱一壸水可以自己Refill，唔使劳烦人斟水。只系偶尔有只小乌蝇赶极都唔走，有些少影响食欲。点好菜后，先嚟两碟开胃小食－泡菜同腌萝卜。有如其他人所言，腌萝卜稍胜，比较爽甜；反而泡菜，女友食完第一啖之后绉一吓眉头，话唔够辣；我食一啖，都辣，但系酸到盲公都开眼！泡菜炒猪肉饭，虽然碟小食比较弱啲，但仍然期待泡菜捞饭多过猪肉。果然不出所料，呢碟泡菜味道调校得比小食嘅好好多，酸、甜、辣度啱啱好。然而泡菜味道浓郁，捞乜食都会盖过晒其它食物本身嘅味道，因此我系食唔出炒猪肉嘅味道，而脑海亦都只记住泡菜爽脆酸甜味道。韩式炸酱面，相片系捞完炸酱之后影嘅，点解？同中式炸酱唔同，未捞之前系一碟碎猪红一嚿嚿咁淋上上面嘅面，黑色一碟咁，影完都唔知自己影乜。捞完之后仍见到一嚿嚿猪红咁，
某晚放工，终于有机会一尝。到达时虽然系八点半，但系间舖冇乜食客，或者个个都好迟先放工都唔定啦，啲食客都系我哋入座之后先陆续嚟到嘅。
环境其实唔差，光猛又阔落，冇迫夹感，而且每枱一壸水可以自己Refill，唔使劳烦人斟水。只系偶尔有只小乌蝇赶极都唔走，有些少影响食欲。
点好菜后，先嚟两碟开胃小食－泡菜同腌萝卜。有如其他人所言，腌萝卜稍胜，比较爽甜；反而泡菜，女友食完第一啖之后绉一吓眉头，话唔够辣；我食一啖，都辣，但系酸到盲公都开眼！
泡菜炒猪肉饭，虽然碟小食比较弱啲，但仍然期待泡菜捞饭多过猪肉。果然不出所料，呢碟泡菜味道调校得比小食嘅好好多，酸、甜、辣度啱啱好。然而泡菜味道浓郁，捞乜食都会盖过晒其它食物本身嘅味道，因此我系食唔出炒猪肉嘅味道，而脑海亦都只记住泡菜爽脆酸甜味道。
韩式炸酱面，相片系捞完炸酱之后影嘅，点解？同中式炸酱唔同，未捞之前系一碟碎猪红一嚿嚿咁淋上上面嘅面，黑色一碟咁，影完都唔知自己影乜。捞完之后仍见到一嚿嚿猪红咁，而且偏湿。味道会偏甜，好似豉油皇粗炒咁，唔系话唔好食，但系各有各口味，同埋唔比「炸酱」呢两只字误导咗，当系一种全新面食嘅话，会系另一种感受都唔定。
喺泡菜饼同海鲜煎饼之间决择，店员建议我哋拣海鲜煎饼。上枱时，碟煎饼好香，煎得嚟好脆口，好快就食晒。但有两嘢味道唔多觉，一样就系海鲜味，应该就冇虾同蟹，因为女友唔食得，件饼又唔见有；另一样系件饼本身都系得个香口味，如果唔点佢跟嚟嘅甜酱汁一齐食，其实同煎蛋饼冇乜分别。
或者应该跟隔离枱咁叫碗石头锅饭，上枱时「sasa」声，香到连隔离枱都闻到。但至少今次食呢几碟都算系韩食新体验嚟，可以再试。
张贴
