泰沾麵

营业中

休息中

红雨之下去左Airside，本身想去食海南鸡，点知佢成个场半吉都唔俾个Sofa位我哋，就去试其他野，睇完水牌就去咗呢间泰沾面试下！先讲讲服务，系非常之满意，好有礼貌，自动波见到唔够碗会再俾，refill水完全唔使提，大赞！讲完服务讲野食，先黎左个船面，热辣辣，个卖相好靓！个面同个汤都中上，但系去到粒丸同埋两块肉就非常之妈妈，粒丸一啲都唔弹牙同埋冇味，而块肉嘅话清唔切好食亦都唔可以话佢好难食，no comment!然后佢就再嚟埋个炒河粉，河粉咁味其实几好食，但系个河粉就比较黐口，同食开嘅泰国炒河唔一样，唔知系咪佢嘅特色，自己都系钟意传统嘅泰国炒河粉多啲，个鸡嘅话就非常一般。然后个冬阴功非常非常之油，见到隔篱枱俾佢个卖相呃咗，以为有两只大虾，点知原来系一只分两边，咁样$200就好唔抵啦。最后椰青，成个椰青同埋只碟都系冻嘅，但系入边嘅椰子水系一啲都唔冻，唔敢谂点解会咁样。整体服务非常之好，但食物质素有待改善，价钱亦都唔抵食，应该都唔会再嚟，食泰国嘢正正经经去九龙城算！