瀛豐放題料理專門店 (已搬遷) 新店位置

蚝瘾又起，居然有间有生蚝任食嘅放题，拿拿声book位饱餐一顿🥴只须+$118就可以升级，任食海胆带子同法国生蚝，食多几只即刻回本。法国蚝虽然体型偏瘦削，但海水味浓，入口浓烈嘅咸香，唔需要加额外调味料都够哂味。个人更爱海胆带子，爽甜嘅带子一开二，笑口中夹住软滑鲜甜嘅海胆，忍唔住一口气食咗几粒再encore！难得喺呢个价位嘅餐厅食到丝毫不带苦味嘅海胆，加分👍🏻刺身同样新鲜，无出现其他放题无充份解冻嘅情况，荣螺、希灵鱼爽脆鲜甜，油甘鱼肥美丰腴、鱼有鱼味。炸物即叫即炸，上口仍热得烫嘴，又加一分。虽然款式唔算太多，丸类只有香芋丸及芝士年糕，主要集中喺天妇罗类，但正好俾客人过过口瘾，唔会俾油炸物塞饱。寿司选择多不胜数，军舰寿司卷物手卷几乎能够想像到啲配搭都有，剩系花之恋都有五款😲好似呢款龙虾沙律花之恋，面头以龙虾仔拌沙律酱代替往常嘅蟹籽，真系食到一只只嘅龙虾仔，正呀！除咗日式放题常见嘅食物外，呢度仲有中泰料理，飞天通菜、炒椰菜苗、炒淮山、翠肉瓜牛柳粒，火候有、够香口，系略嫌油腻同浓味咗啲～冷盘必点嘅拌海蜇同麻辣牛脷，前者甜辣口，海蜇丝非常爽身弹牙；后者稔软香口，相当惹味。第一次喺放题食正餐😂两个人