鍋卷鳴門 (已結業)

一晚食咗刀贝、鲍鱼、沙白、白贝、虎皮螺、小黄蛏、九节虾、青口、濑尿虾、生蚝、大闸蟹，真系好满足！朋友一早订定位，谂住同我放纵一晚。 拣咗最贵嘅「上忍之卷」，除咗可以出去任夹海鲜，仲有生蚝同埋日本和牛任叫。谂住食海鲜，揾啲清啲嘅汤底。清酒煮蚬汤同传统鲣鱼清汤，两款汤底都同海鲜非常之夹，特别系清酒煮蚬汤，淡淡酒香又落咗超多蚬带出鲜味，就咁饮已经好好饮。火锅之后饮，汇集所有海鲜嘅精华更加系鲜味无穷，一定要饮呀☺️！生蚝系法国生蚝，大只、厚肉、爽脆，食完之后有余香，正！🇯🇵日本产和牛油脂丰富、粉嫩、极大片，渌几秒就食得，嫩滑呀！见到隔嚟几枱食客喺度拆紧大闸蟹，原来餐厅有做大闸蟹放题，有啲客人直头连汤底都唔要，全晚净系食蟹，搞到我哋都好想食添🤪。 单点咗两只试吓，今年初尝大闸蟹啊！唔算系大只，不过都多膏，甘香美味。✨食完记得自己出去冲返杯热辣辣嘅蜂蜜姜茶。跟住系重点环节，就系出去夹海鲜，今日除咗虾，全部都系劲新鲜！先用冰整晕啲海鲜先，夹𠮶时啲海鲜有挣扎，都有啲惊。 唔理喇，越挣扎证明越新鲜。每款海鲜都有试，濑尿虾一般餐厅好少有，夹多啲；有一款叫虎皮螺，孤陋寡闻，第一次见，以为系狮蚶，入面有啲似北寄