潮福蒸氣石鍋 (已結業)

前几日同屋企人去尖沙咀行街，因为同行有老人家，所以夜晚就拣左去食热辣辣嘅潮福蒸海鲜了！对于好多老人家来讲，酒店自助餐系唔啱佢哋食嘅，因为好多野都系冻冰冰，例如刺身、生蚝、冻海鲜等等，而较早前亦带过老人家食一次潮福，不过唔系呢间分店，老人家都话好好食，所以今次当然要encore啦！首先，我叫左个姫松茸炖螺肉汤，劲足料，饮得出系好鲜甜冇味精嘅，值得推介！之后，每人有半只龙虾，因为系生㓥嘅关系，蒸出来当然系超鲜味啦～同酒店𠮶啲大大只但得雪藏味的龙虾简直冇得比～紧接其后嘅蒜蓉蒸元贝、蒸韩国象拔蚌、蒸南非鲍鱼，仲有姜葱蒸美国桶蚝等，都系超正好新鲜！之后，我哋仲叫咗好多任食嘅项目，例如虫草花蒸鸡、各式手打丸同手切和牛等等。个人推荐手打梅菜猪肉丸，梅菜味好出，而且仲好弹牙👍🏻仲有推荐猪颈肉，因为蒸出来系好爽口嘅，正！顺带一提，我听闻呢间潮福分店系新装修，怪不得周围都好光猛同企理，冷气亦好充足。另外，呢间潮福啲侍应真系服务好好，成日帮我换碟，又主动帮我加热水，真系好有效率！总括而言，食海鲜一定系新鲜先好食！如果唔喜欢酒店自助餐嘅冻海鲜，倒不如来呢间潮福蒸气石窝食鲜味蒸海鲜啦😁😁😁