影片
更多
2012-06-30
137 浏览
真系出外靠朋友, 因为有一pair 识食既couple , ( 佢地同openrice 创办人都有交往ga ) ..我先有机会食到香港直正"鲜"既海鲜餐. 位处偏远既香港仔鱼市场, 搭车真系唔识路 . 由朋友发板, 我地一行5人叫左: 海鲜汤, 椒盐鲜鱿,粉丝蒜蓉蒸花甲 椒盐鲍鱼, 豉椒圣子, 清蒸老虎班, 先试椒盐鲜鱿& 粉丝蒜蓉蒸花甲, 同出面坊间食既大有分别, 坊间普遍咬落都似擦胶, 咬唔开最终要硬吞, 呢度咬落去一咬即断开. 极为新鲜. 再试豉椒圣子, 相比坊间豉椒味完全没有抢走圣子既鲜甜味 . 接住有椒盐鲍鱼, 据老板娘讲同椒盐方法炮制鲍鱼系佢地首创, 而且极之高难度, 唔可以炸得太耐失去饱鱼既鲜味, 呢度绝对造出水准. 清蒸老虎班,蒸得刚刚好, 朋友连汁都捞埋, 骨髓都唔放过. 最后有足料海鲜汤, 材料用上豆腐, 鲜鱼( 不同种类) , 蟹, ......鲜甜得不得了, 听讲每日限定出售. 朋友千叮万嘱推介要食西多士, 无论点饱都要试埋, 心念食海鲜无啦啦食咩西多? 不过一场黎到, 梗系试下啦, 果然.....
由朋友发板, 我地一行5人叫左: 海鲜汤, 椒盐鲜鱿,粉丝蒜蓉蒸花甲 椒盐鲍鱼, 豉椒圣子, 清蒸老虎班,
先试椒盐鲜鱿& 粉丝蒜蓉蒸花甲, 同出面坊间食既大有分别, 坊间普遍咬落都似擦胶, 咬唔开最终要硬吞, 呢度咬落去一咬即断开. 极为新鲜.
再试豉椒圣子, 相比坊间豉椒味完全没有抢走圣子既鲜甜味 . 接住有椒盐鲍鱼, 据老板娘讲同椒盐方法炮制鲍鱼系佢地首创, 而且极之高难度, 唔可以炸得太耐失去饱鱼既鲜味, 呢度绝对造出水准.
清蒸老虎班,蒸得刚刚好, 朋友连汁都捞埋, 骨髓都唔放过. 最后有足料海鲜汤, 材料用上豆腐, 鲜鱼( 不同种类) , 蟹, ......鲜甜得不得了, 听讲每日限定出售.
朋友千叮万嘱推介要食西多士, 无论点饱都要试埋, 心念食海鲜无啦啦食咩西多? 不过一场黎到, 梗系试下啦, 果然.........
一睇卖相, 已经知系诚意之作, 分开六小件, 件件煎得金黄, 像极椒盐豆腐, 一咬落去, 真系唔识形容咁好食, 每件有练奶不多不少,本身我系唔多食西多, 因为怕肥死, 但系呢次我都豪不犹豫食左一件半, 真系好好味. 打探过每份西多只廿蚊, 绝对超值食过呢餐海鲜宴, 以后有人提议去流浮山, 鲤鱼门.西贡食海鲜睇怕都唔使预我...
题外话/补充资料：
店子只开早市同午市, 有意请预早book 位, 礼拜日莫问.
(以上食记乃用户个人意见 , 并不代表OpenRice之观点。)
张贴
