新景記粉麵 (已結業)

近期食得太丰富，想食点清清地，同事提议新景记。睇番食评，原来我04年来过，之后一直未食过。我要的墨丸牛腩粗面，墨丸与以前一样，好有墨鱼味，中间还有马蹄粒粒的爽口；牛腩好唔得，唔够惹味又唔够腍，肉地几硬实，反而同事食的牛肚相对较好，切得薄条状，带腍中又不失弹牙。再叫多一碗油菜及一碗净鱼片头，睇过报纸介绍，知道佢的鱼蛋鱼片是用百分百的鱼肉来制，所以不会太弹牙，不过连最简单的新鱼味也欠奉，只食到重重的胡椒味。