Bigger Burger Cafe (已結業)

同男友去佐敦睇婚宴场地，睇完经过 bigger burger cafe, 见店铺装潢好有格调，加上我地好耐无食汉堡，所以决定入去一尝。店铺环境暗淡，墙壁挂满唱片，而台用咗貌似东欧图案磁砖拼贴而成，令人感觉浪漫、舒适。餐牌除左唔同款式既汉堡外，仲有意大利饭面或扒类供应，都好多选择。但个店名写明bigger burger,当然黎到一定要叫burger 啦，同男朋友每人叫左一个。小食方面叫左个芝士焗蟹肉大烤菇大菇上混入了丝丝蟹肉，清甜不腻口，蟹肉非常鲜甜，烤菇不会太过干身，大菇依然香嫩多汁，非常好吃，但菇既size颇细，食唔够喉🤣2份汉堡餐会配上新鲜沙律，沙律搭上酸酸甜甜既醋，非常开胃。双层安格斯牛汉堡劲大个汉堡呀🙈🙈连男友见到都哗一声，份量超十足，连男友最后都食唔哂😝外层软包轻脆，安格斯牛有2大块，超厚而肉质嫩滑，好 juicy ，肉既熟度岩岩好，肉质带粉红，加左块菠萝片，菠萝非常清甜，中和了肉既腻感。蓝芝士烟肉安格斯汉堡同双层安格斯一样，肉系超嫩超多汁，夹埋脆香惹味既烟肉，加上用蓝芝士酱调味，芝士味香浓得宜，再配上新鲜番茄同火箭菜，口感一流，唔会觉太腻，爱芝士既人必试。加$25转左酸忌廉