潮丸 (已結業)

食潮洲粉面俾人感觉一向都系圆枱围围坐，有点迫。而呢度坐得算系好舒服，店舖内嘅木枱凳简约不过带点时尚，潮食得黎价钱都算合理。自家牛三鲜河粉有牛腩，牛筋，牛肚，我仲加左墨鱼丸。单睇相，已经感觉到份量绝对唔少。浓郁牛汤，显得全部都焖得好入味。牛腩爽口有嚼劲，牛筋唔太腍唔太硬有咬劲，而且有少少浆口嘅感觉，牛肚软腍啱啱好够入味。追加嘅墨鱼丸大大粒，弹牙，系牛三鲜嘅不俗配搭。而融入腩汁嘅河粉相信好难抗拒，亦都唔会煮到烂左，加上芽菜、芫荽同葱花，好丰富。牛爽腩米线　牛爽腩肥瘦兼备，脂肪同筋膜相隔。一开始好怕食落唔够嫩会老，因为惊煮得好耐，但正正因为有些脂肪，所以爽腩变得比较松软，不太硬，香嫩而且入味有嚼头。加左鱼皮饺，冇雪藏味，爽口。汤底清而丰富，配上米线，又系不能错过。招牌卤水拼盘 拼盘有猪手，猪大肠，腩肉，蛋同豆腐，非常丰富。猪手腍得黎好有咬口，唔会过硬，充满胶质。猪大肠唔算好肥，入晒味。腩肉肥瘦适中，咬落好易入口。蛋同豆腐卤得很入味，一流。而且可以配上醋，另一种口味配搭。清汤萝卜萝卜本身好清甜，汤底饮落自然系好清，而且食落系完全冇渣，煮落嘅时间啱啱好，健康之选。饮品另外加钱叫左咸柠梳打同冻奶茶