影片
更多
2010-05-10
90 浏览
8-5-2010答案系:「柄」埋油麻地的呢间茶餐厅! 位置完全不起眼, 不过星期六 1:xx pm 嚟到都唔少人, 2 人想揾个卡位坐都有 d 难度, 好在最后都「摄」到位 大家都叫了「特餐」, 有公仔面一碗, 火腿煎双蛋, 餐包及饮品一杯; 不过我哋就煎蛋变炒蛋, 餐包又变多士 (加 $2) 饮品系冻奶茶, 色水好「茶」, 饮落几滑亦几香茶味, 不过实在太甜了, 大家 order 的话要留意.试了少少朋友的热奶茶, 由头到尾佢都无落过糖, 饮落茶味几香, 奶味亦够, 不过摊冻后茶味就消失得无影无踪 , 唯有放弃.火腿 + 炒蛋就当然以炒蛋好食 d , 炒得油油滑滑, 食落蛋汁丰盛, 蛋味亦香, 不过略嫌边位炒得有点过火, 调味又唔匀搞到其中一啖咸到飞街 , 整体比澳牛略逊.多士颇厚身, 烘得够, 不过牛油涂得太少了, 愈食愈干 面就系沙爹牛出前一丁, 份量劲大 ... 卖相完全系沙爹还沙爹, 丁面还丁面, 认真麻麻; 面底渌得过腍, 不过沙爹汁够晒香浓, 牛肉又难得唔系梳打 /「擦胶」滑牛, 整体其实算系咁了.朋友食肠丁, 条肠样样衰衰的, 不过朋友又话「煎/炸得好香」, 应该都不
答案系:「柄」埋油麻地的呢间茶餐厅! 位置完全不起眼, 不过星期六 1:xx pm 嚟到都唔少人, 2 人想揾个卡位坐都有 d 难度, 好在最后都「摄」到位
大家都叫了「特餐」, 有公仔面一碗, 火腿煎双蛋, 餐包及饮品一杯; 不过我哋就煎蛋变炒蛋, 餐包又变多士 (加 $2)
饮品系冻奶茶, 色水好「茶」, 饮落几滑亦几香茶味, 不过实在太甜了, 大家 order 的话要留意.
试了少少朋友的热奶茶, 由头到尾佢都无落过糖, 饮落茶味几香, 奶味亦够, 不过摊冻后茶味就消失得无影无踪 , 唯有放弃.
火腿 + 炒蛋就当然以炒蛋好食 d , 炒得油油滑滑, 食落蛋汁丰盛, 蛋味亦香, 不过略嫌边位炒得有点过火, 调味又唔匀搞到其中一啖咸到飞街 , 整体比澳牛略逊.
多士颇厚身, 烘得够, 不过牛油涂得太少了, 愈食愈干
面就系沙爹牛出前一丁, 份量劲大 ... 卖相完全系沙爹还沙爹, 丁面还丁面, 认真麻麻; 面底渌得过腍, 不过沙爹汁够晒香浓, 牛肉又难得唔系梳打 /「擦胶」滑牛, 整体其实算系咁了.
朋友食肠丁, 条肠样样衰衰的, 不过朋友又话「煎/炸得好香」, 应该都不错吧?
环境带点旧式, 卫生麻麻, 不过伙计阿哥 (老板?) 好客又风趣, 招呼不错的.
放低 $30, 未必会专程再来, 不过炒蛋真系几好食, 甚至比已经几好食的某人气「疑似冰室」(http://www.openrice.com/restaurant/commentdetail.htm?commentid=2060390) 更好食, 嚟开呢头值得试试的.
张贴
