Cafe Whale

营业中

休息中

食炸鱼薯条饮半价生啤系正嘅，尤其是呢度食炸鱼薯条D炸鱼仲要非常特别，唔系用一般鱼柳黎做，而系用街市鱼档入面常见嘅鱼黎做，当中可以拣选嘅鱼就有沙巴龙趸、白鳝、慒仔鱼、黄立仓、沙钻同埋马友，如果钟意食鱼嘅朋友真系唔可以错过。我今日就拣咗沙巴龙趸，一份有两件，Size都要比想像之中大块，喺沙巴龙趸外层嘅炸脆浆只系薄薄一浸，食嘅时候唔会食到成口都系炸粉，龙趸鱼肉起晒D骨出黎，不过侍应姐姐都温馨提示虽然基本上无骨，但系食嘅时候都自己要小心D，始终系用新鲜鱼整嘅。佢呢度D薯条都好正，似乎系新鲜即叫即炸嘅，等候时间大约20分钟，系值得嘅。