Chop Chop 食神叉燒 (宏安道) (已結業)

晚餐食烧味，拣左黎食神叉烧，呢间餐厅有两间分店，分别系沙田同北角，今日黎北角店，地铁站行2分钟就到，好方便。餐厅装修几特别。有啲简约酒吧feel，无论墙上嘅餐牌，啤酒樽装饰，都非常特别。食烧味有得饮啤酒？都真系好特别！今晚自己一个，呢度叫得食神叉烧，当然要试下个叉烧，于是食左个叉油鸡饭。点左半肥瘦叉烧，口感唔干又有点油脂，外面烧得甜甜，色泽又够靓。油鸡亦系好嫩滑嘅部位，上面已经有姜葱。值得一提呢度嘅饭加入左藜麦，够晒健康。另外跟个餐汤，系经典嘅港式汤，红萝卜猪骨汤，味道浓郁又大碗。饮品拣左热柠蜜，正正常常啦。总括黎讲呢度几有惊喜，下次可以黎试下啲啤酒。