牛角日本燒肉專門店 (大埔超級城C區)

营业中

休息中

想食烧牛肉又觉肉赤，闲日下午茶时段嚟食有七折，不过加一要用正价计，实际系全单八折，都抵过食正价。叫咗严选六品烧肉盛合，同烧肉定食 C 餐，大包围牛舌肠、猪颈肉、牛舌、肩脊肉、猪肉、鸡腿肉同丹麦皇冠猪扒。最钟意食牛舌同鸡腿肉，好嫩滑；牛舌肠只系食咗少少，咸过头顶唔顺。枱面放咗几樽调味料，滗咗少少点嚟试吓，都系唔点酱食最好，其中有只黄色酱劲咸，怕怕。跟餐沙律的菜爽口，唔见有啡边，可以少啲酱汁就好喇，六品盛合个牛角饭有好多紫菜，调味适中，略嫌饭身黏度低。餐饮热咖啡喺开饭中途送上，趁热饮啖，系日式炭烧风味，等到食完饭先饮，味道会冇咁好。欣赏店员服务有礼亦周到，赞呀。