Cow Bean (TKO Gateway) (已結業)

我们这一家都系牛魔王家族，不论大人定细路都劲中意食牛，平时会周围去揾地方食牛， 而呢日我地就去左cow bean。睇完餐牌，我地点左个二人餐，盒仔安格斯，法国生蚝同埋芝士牛肉汉堡。二人餐总共有7样野，沙律、餐汤、小食、主菜、饭面、甜品及餐饮。沙律是可以到沙律吧一次，随自己喜好装满一碟沙律，沙律吧食材新鲜，红腰豆、鹰咀豆、茄子等等都好食。蟹柳栗米忌廉汤附餐包，餐包系普通货色，汤味道可口但略为稀。小食、饭面同主菜都系三选一，我地拣左串烧墨鱼仔伴黑松露酱薯条，本格特式杂扒及黑松露炸鸡意大利饭。墨鱼仔爽口，薯条香脆，点黑松露酱都系不错既配搭。杂扒有鸡牛两款同肠仔，配菜有红腰豆、鹰咀豆同沙律菜，比起用青豆栗米等杂豆有诚意。鸡扒嫩滑，牛扒则煮得熟左d。 好彩我地有另外叫一份五成熟既安格斯牛，虽上菜时已切粒，不过啖啖嫩口亦都保有肉汁，食得很滋味。黑松露炸鸡意大利饭，炸鸡脆但不油腻，意大利饭煮得好creamy，软稔中带点烟韧，试过有d餐厅一系太硬，一系就稔晒。生蚝尚算鲜美，不过不试也无差。跟餐甜品比较失色，只是普通啫喱，很甜。整体上食物用料唔差，味道亦中上，价位中等，值得一试。