影片
更多
2024-03-23
3003 浏览
话说睇番啲相，突然发现之前个闺密，喺我生日嘅时候带我食西餐，我仲未post🤣，所以而家再分享番。佢话带我去尖沙咀食牛扒，我哋订咗位，去到门口登记嘅时候，发现间餐厅已经满座，我哋book咗夜晚8:30都咁多人。餐厅用暗红色主题的灯光，配上欢愉嘅音乐，感觉有情调，但台与台较密集，有啲逼，加上大家倾偈，所以要浪漫🌹咁叹嘅，呢道应该唔系首选🤣。餐厅内嘅侍应全部都系外藉人士，所以点餐要讲英文，不过，唔识英文唔紧要，只系需要识几多成熟，就可以，Blue Rare（一成熟）、Rare（三成熟）、Medium Rare（四成熟）、Medium（五成熟）、Medium Well（七成熟）、Well-done（全熟），因为餐厅只有一款牛扒，美国 USDA Prime 级肉眼牛扒，配上 La Vache! 秘制酱汁，再无其他菜式选择😂。$398/位 有美国 USDA Prime 级肉眼牛扒及任食香脆薯条、核桃沙律🥗同法包。核桃沙律我本身唔系太感兴趣，但食落又几好食，因为沙律菜配搭嘅黑醋好香醇，好开胃。餐包配嘅牛油好香好好食，接住就上切好嘅牛扒喇！就算两个人叫，佢都系帮你摆晒同一只碟度。我哋叫咗Medium
佢话带我去尖沙咀食牛扒，我哋订咗位，去到门口登记嘅时候，发现间餐厅已经满座，我哋book咗夜晚8:30都咁多人。
餐厅用暗红色主题的灯光，配上欢愉嘅音乐，感觉有情调，但台与台较密集，有啲逼，加上大家倾偈，所以要浪漫🌹咁叹嘅，呢道应该唔系首选🤣。
餐厅内嘅侍应全部都系外藉人士，所以点餐要讲英文，不过，唔识英文唔紧要，只系需要识几多成熟，就可以，Blue Rare（一成熟）、Rare（三成熟）、Medium Rare（四成熟）、Medium（五成熟）、Medium Well（七成熟）、Well-done（全熟），因为餐厅只有一款牛扒，美国 USDA Prime 级肉眼牛扒，配上 La Vache! 秘制酱汁，再无其他菜式选择😂。
$398/位 有美国 USDA Prime 级肉眼牛扒及任食香脆薯条、核桃沙律🥗同法包。核桃沙律我本身唔系太感兴趣，但食落又几好食，因为沙律菜配搭嘅黑醋好香醇，好开胃。
餐包配嘅牛油好香好好食，接住就上切好嘅牛扒喇！就算两个人叫，佢都系帮你摆晒同一只碟度。我哋叫咗Medium Rare，唔使担心好生，因为有个火炉热住，真系生米都煮成熟饭🤣。
牛扒牛味唔太浓，份量较少，因为食完都觉得好似冇食过嘢咁（可能我大食☺️），幅相系2人份量。薯条系幼细嘅𠮶款，热辣辣好香脆，薯条系任食嘅，侍应定时就会拎一碟薯条出嚟，你需要可以同侍应讲，佢就会帮你refill。我见隔离台嘅情侣，每人加添咗3次，究竟系好钟意食薯条定唔名饱🤣？
我哋喺OpenRice订座，所以送咗件蛋糕，个friend订座时，remark咗我生日，所以会有店员开大个喇叭行埋嚟唱生日歌（劲尴尬），另外会系件cake嘅碟上写字。最可惜系，原本我系生日，但佢写错咗做周年纪念，连名都错（应该系同人掉换左），我到食紧嘅时候先发现错😂。
成晚有好多人生日，所以我哋一餐饭里面，唔知听咗几多次生日歌😂。送嘅𠮶件蛋糕系Lemon tart, 味道非常甜又非常酸，我同闺蜜都互望，问点样可以做到嘅？甜酸咁分明🤣，最后真系食唔到。
整体嚟讲，如果你钟意食薯条嘅，又可以食到好多嘅，可以话都抵嘅，但系如果你想安安静静食餐西餐，又想拣啲唔同款式，可能呢间就未必系适合嘅选择。
店铺资料 🏢: La Vache!
地址:尖沙咀赫德道12号地舖
张贴
