和平飯店 (大本型)

营业中

休息中

差不多半年以上冇去过，工作关系今日要去油塘附近，做完嘢便约家人去食饭。约七点四十五分入座，当时入座率8、9成左右。点𩠌后，等咗成半个钟，我小朋友睇完成本多啦A梦，都未有上菜。很难找到待应去check单，先嚟咗一笼小笼包。小笼包完全唔热，只可以讲系微暖，明显厨房煮完摆咗系到无人上菜；而最大问题系我从来未食过啲小笼包，里面啲汤淡到只系有味过啲水小小！之后上嘅锅贴同样只系微暖，而且今次里面直情完全冇汤！平时我小朋友食呢啲好论尽会搅到啲汤周围都系，今次完全冇呢个烦恼！我今年8岁个仔食完，都识话北京楼、翡翠拉面小笼包、上海姥姥啲好食好多。另外叫咗四样嘢，都有两样唔热。而最后都有一个砂锅云吞鸡煲，要再同待应讲，先上到菜。另外待应又唔会主动加水，见到隔离一两枱客，都系自己拎壶茶去柜台自己冲水。知道这间食肆老板经常标榜良心食肆同改革/创新经营管理模式，但见到今晚咁嘅情况，食物同服务同之前比较直线下降，完全只系觉得呢啲只不过做show嘅宣传技量，今晚之后真系好难再有下次。