影片
更多
2023-06-18
66 浏览
印象中呢间西餐厅大约两三年前都帮衬过，当时都觉得唔错，隔咗一排再嚟食，估唔到今次都有好多惊喜㖞！❇️先嚟牛角包及鲜打红萝卜浓汤个汤好creamy，亦饮到有红萝卜碎。平时我唔太钟意食牛角包，但呢个一咬落去好松软而且食落牛油味香浓，好食！😋❇️芝士焗纽西兰青口一盆都有6-7只，每只都大大只，上面舖满芝士，食到好香芝士味之余，青口本身的鲜味又唔会盖过咗，唔错！❇️卡邦尼蟹肉蟹子扁意粉意粉煮得恰到好处，上面舖满蟹子，蟹肉份量亦都唔少❇️海鲜拼盘呢个真心重点推介！💖一上枱干冰的「仙气」飘出，好吸睛！🤩海鲜有一只龙虾、青口、翡翠螺、虾及饱鱼两只，每款都好新鲜，虾亦好弹牙。龙虾大大只，肉厚而且味道鲜美，成盘海鲜份量唔少，对于钟意食海鲜的我食得好满足！😋❇️饮品方面，叫咗两杯唔同款式的Mocktail: 1️⃣X Man: 有葡萄、有苹果、亦有益力多，加埋梳打沟埋一齐层次丰富，饮落又唔会太甜，清新！2️⃣Yellow Duck：呢排两只大黄胶鸭嚟咗香港，见到餐牌有呢款Yellow Duck好得意，索性叫嚟试下应下景。佢系用一个浴缸仔装住饮品，主要有芒果、菠萝汁、益力多及梳打水，果味好浓亦相对较甜，再加埋玫瑰花瓣碎，就真
❇️先嚟牛角包及鲜打红萝卜浓汤
个汤好creamy，亦饮到有红萝卜碎。平时我唔太钟意食牛角包，但呢个一咬落去好松软而且食落牛油味香浓，好食！😋
❇️芝士焗纽西兰青口
一盆都有6-7只，每只都大大只，上面舖满芝士，食到好香芝士味之余，青口本身的鲜味又唔会盖过咗，唔错！❇️卡邦尼蟹肉蟹子扁意粉
意粉煮得恰到好处，上面舖满蟹子，蟹肉份量亦都唔少❇️海鲜拼盘
呢个真心重点推介！💖一上枱干冰的「仙气」飘出，好吸睛！🤩
海鲜有一只龙虾、青口、翡翠螺、虾及饱鱼两只，每款都好新鲜，虾亦好弹牙。龙虾大大只，肉厚而且味道鲜美，成盘海鲜份量唔少，对于钟意食海鲜的我食得好满足！😋
❇️饮品方面，叫咗两杯唔同款式的Mocktail: 1️⃣X Man: 有葡萄、有苹果、亦有益力多，加埋梳打沟埋一齐层次丰富，饮落又唔会太甜，清新！
2️⃣Yellow Duck：呢排两只大黄胶鸭嚟咗香港，见到餐牌有呢款Yellow Duck好得意，索性叫嚟试下应下景。
佢系用一个浴缸仔装住饮品，主要有芒果、菠萝汁、益力多及梳打水，果味好浓亦相对较甜，再加埋玫瑰花瓣碎，就真系好似浸紧浴咁。另外仲附有爆炸糖一包，倒入去饮品时噼噼啪啪咁响，非常特别，成个造型同设计都好有心思！🥰另外，晚市惠顾满$500会送甜品拼盘一份。一上枱又系会令人哗哗声！🤩
有闪灯的铁塔摆设打卡一流！至于甜品有火龙果、冰冻蓝莓、雪糕泡芙、朱古力曲奇条、棉花糖及可乐糖，只系送的甜品都非常有心思有诚意👍🏻
呢间餐厅除咗食物质素高，环境舒服之外，服务更加值得一赞！👍🏻尤其有位年轻靓女侍应，态度非常殷勤有礼及细心，而且经常面带笑容，响香港已经好少见，令成餐晚饭再加分不少，真心推介！💖如此用心经营的小店实在值得更多人支持！🙌
张贴
